نئی دہلی۔ ہندوستان کے برآمدی درآمدی بینک(ای ایکس آئی ایم) اور کوریا کے برآمدی درآمدی بینک( کے ای ایکس آئی ایم) کے درمیان نوارب امریکی ڈالر کے برآمدی قرضے کے مجوزہ مفاہمت نامے کی منظوری دی ہے۔ اس قرضے کااستعمال ہندوستان میں بنیادی ڈھانچے کی ترقی او ر تیسرے ملکوں میں پراجیکٹوں کے ایک حصے کے طور پر سامان اور خدمات کی فراہمی کے لئے کیاجائے گا۔
اس مجوزہ مفاہمت نامے پر ہندوستان کے وزیرخزانہ جناب ارون جیٹلی کے کوریا کی راجدھانی سول کے 14,15 جون کے دورے کے دوران دستخط کئے جائیں گے۔ جناب جیٹلی کا یہ دورہ سالانہ مالی باہمی مذاکرات کے سلسلے میں ہورہا ہے۔ امید ہے کہ اس فیصلے سے ملک کی بین الاقوامی برآمدات کو فروغ حاصل ہوگا اور اس سے ہندوستان اور کوریا کے درمیان سیاسی اور مالی تعلقات میں وسعت پیدا ہوگی۔ برآمدی قرضے کا استعمال ای ایکس آئی ایم بینک کے قرضے کے ذریعہ بھارت میں اہم شعبوں کے پراجیکٹوں کو فروغ دینے کے لئے کیاجائے گا۔
جن میں اسمارٹ شہر ریلویز ، بجلی کی پیداوار اور ترسیل شامل ہیں۔ اس کے علاوہ تیسرے ملکوں میں پراجیکٹوں کے ایک حصے کے طور پر سامان اور خدمات کی فراہمی کے لئے بھی کیا جائے گا۔
عمل درآمد کی حکمت عملی
عمل درآمد کی حکمت عملی کے تحت مفاہمت نامے کے شرکاء مالی امداد کا منصوبہ مرتب کرنے، موجودہ انتظامات کا جائزہ لینے اور متعلقہ طریقہ کار کے سلسلے میں سالانہ صلاح مشورہ کیا کریں گے۔
ای ایکس آئی ایم بینک ہندوستان میں قابل عمل پراجیکٹوں کی نشاندہی کرے گا۔ ای ایکس آئی ایم بینک سے معلوم ہوا ہے کہ ای ایکس آئی ایم بینک سرمایہ کاری کے لئے نو ارب ڈالر کا جو قرضہ فراہم کرے گا ایسے مالی پراجیکٹوں میں استعمال کیاجائے گا۔جن میں کسی حد تک کوریا کا درآمدی پہلو موجود ہو اور سود کی شرح بھی او ای سی ڈی برآمداتی قرضہ جاتی رہنما اصولوں کے مطابق ہو۔ یہ رقم ای ایکس آئی ایم بینک کی شرکت کے بغیر سرمایہ کاری کرنے والے کے طور پر ای ایکس آئی ایم استعمال کرسکتا ہے بشرطیکہ کام اطمینان بخش ہو۔
تیسرے ملکوں میں قائم پراجیکٹوں کے ایک حصے کے طور پر ہندوستان اور کوریا سے جس سامان اور خدمات کی فراہمی ہوگی۔وہ اس مفاہمت نامے کی اضافی خصوصیت ہوگی۔ اس سے باہمی تجربات کے تبادلے، مالی برآمدی درآمدی کارروائیوں کے بارے میں معلومات کا تبادلہ کرنے، پراجیکٹ کا جائزہ لینے اور متعلقہ شعبوں کی سرگرمیوں کے بارے میں معلومات کے تبادلے میں مددملے گی۔
پس منظر
2015 کے دوران وزیراعظم کے جمہوریہ کوریا کےد ورے کے موقعے پر جو مشترکہ بیان جاری کیا گیاتھا اس میں کہا گیا ہے کہ کوریا کا ارادہ ہندوستان میں بنیادی ڈھانچے کے فروغ کے لئے دس ارب امریکی ڈالر کے قرضے کی پیشکش کرنے کا ہے۔ اس کے تحت ایک ارب امریکی ڈالر جنوبی کوریا کے اقتصادی ترقیاتی تعاون فنڈ(ای ڈی سی ایف) کی طرف سے حکومت سے حکومت کے لئے قرضہ ہوگا اور نو ارب امریکی ڈالر کا قرضہ کےای ایس آئی ایم کی طرف سے ہوگا۔ نو ارب امریکی ڈالر کے سلسلے میں دونوں ملکوں کے برآمدی درآمدی بینکوں کے درمیان ایک مفاہمت نامے پر دستخط ہونے ہوں گے۔
एक टिप्पणी भेजें