آٹھ ریاستی اسمبلیوں نے ایک مہینے سے کم مدت میں ریاستی جی ایاس ٹی ایکٹ منظور کرلیا

نئی دہلی،  آٹھ ریاستوں نے اپنی متعلقہ ریاستی اسمبلی میں ریاستی مال اور خدمات ٹیکس ایکٹ (ایس جی ایس ٹی) ایک ماہ سے بھی کم مدت میں منظور کرلئے۔ یہ ریاستیں ہیں تلنگانہ، بہار، راجستھان، جھارکھنڈ، چھتیس گڑھ، اتراکھنڈ، مدھیہ پردیش اور ہریانہ۔

اس سے قبل جی ایس ٹی کونسل نے 16 مارچ 2017 کو ہونے والی اپنی بارہویں میٹنگ میں مثالی ریاستی جی ایس ٹی (ایس جی ایس ٹی) بل منظور کیا تھا۔ بقیہ ریاستیں/ مرکزی علاقے جہاں قانون ساز اسمبلی ہے اپنی متعلقہ اسمبلی میں اس مہینے کے اختتام سے قبل ممکنہ طور پر ریاستی جی ایس ٹی بل منظور کرلیں گی، سوائے ایک ریاست کے جو اگلے مہینے میں اسے منظور کرے گی۔