نئی دہلی، حکومت آیوش نظام طب کے تحت بزرگوں کو زیادہ سے زیادہ خدمات دستیاب کراتی ہے، چونکہ صحت ریاستی موضوع ہے، لہٰذا گاوؤں میں بزرگوں کے لئے خصوصی کلینک کھولنے کا معاملہ متعلقہ ریاستی ؍مرکز کے زیر انتظام علاقے کی حکومت کے دائرہ اختیار میں آتا ہے۔
تاہم قومی آیوش مشن (این اے ایم) جیسی مرکزی اسکیم کے تحت 50 بستروں والے آیوش اسپتالوں اور پرائمری ہیلتھ سینٹرز میں آیوش کی سہولت دستیاب کرانے کے لئے مالی امداد فراہم کرنے کا التزام ہے۔لہٰذا ریاستی؍ مرکز کے زیر انتظام علاقے کی حکومتیں این اے ایم کے رہنما ہدایات کے مطابق ریاستی سالانہ کارروائی منصوبہ(ایس اے اے پی) میں اپنی ضرورتیں پیش کرکے مدد حاصل کرسکتی ہیں۔مزید برآں این اے ایم کے تحت آیوش اسپتالوں اور ڈسپنسریوں میں ضروری دوائیں سپلائی کرنے کا التزام ہے، جس کے توسط سے عوام بشمول بزرگ افراد مفت خدمات حاصل کرسکتے ہیں۔
اس کے علاوہ سینٹرل کونسل فار ریسرچ اِن آیورویدک سائنسز (سی سی آر اے ایس) بزرگوں کو اپنی 23کلینکل یونٹوں کو جو کہ ملک بھر میں قائم ہیں، کے توسط سے صحت خدمات دستیاب کرارہی ہے۔سی سی آر اے ایس آیوش کی وزارت کے تحت کام کرنے والا ایک خود مختار ادارہ ہے۔ سینٹرل کونسل فار ریسرچ اِن ہومیوپتھی بزرگوں کو اپنے 23 ریسرچ سینٹروں اور 8 پیری فیرل آؤٹ پیشنٹ ڈپارٹمنٹس(او پی ڈی)، جو کہ ملک بھر میں قائم ہیں، کے توسط سے صحت خدمات دستیاب کرارہی ہے۔یہ آیوش کی وزارت کے تحت کام کرنے والا ایک خود مختار ادارہ ہے۔
سینٹرل کونسل فار ریسرچ اِن سدھ(سی سی آر اے ایس) بھی بزرگوں کو خصوصی اوپی ڈی خدمات دستیاب کرا رہی ہے۔ یہ آیوش کی وزارت کے تحت کام کرنے والا ایک خود مختار ادارہ ہے۔ اس کے علاوہ نیشنل انسٹی ٹیوٹ آف سدھ(این آئی ایس) بھی بزرگوں کے لئے خصوصی اوپی ڈی خدمات دستیاب کراتا ہے۔ یہاں بزرگ مریضوں کو اِ ن ڈور پیشنٹ ڈپارٹمنٹ (آئی پی ڈی) چارجز نہیں ادا کرنے پڑتے ہیں۔ یہ آیوش کی وزارت کے تحت کام کرنے والا ایک خود مختار ادارہ ہے۔
یہ اطلاع آیوش کے وزیر مملکت (آزادانہ چارج)، شری پد یسونائک نے راجیہ سبھا میں ایک سوال کے تحریری جواب میں دی۔
एक टिप्पणी भेजें