نئی دہلی، انسانی وسائل کی ترقی کے مرکزی وزیرپرکاش جاؤڈیکر آسٹریلیا-ہندوستان تعلیمی کونسل(اے آئی ای سی) کی چوتھی میٹنگ میں شرکت کے لئے جو 28 جون سے تین جولائی تک ہوگی ایک رکنی وفد کی قیادت کرتے ہوئے آسٹریلیا گئے ہوئے ہیں۔ یہ باہمی ادارہ 2011ء میں قائم کیا گیا تھا۔
ہندوستان اور آسٹریلیا کے تعلیم کے وزیروں نے عہد کیا تھا کہ یہ ادارہ دونوں ملکوں کے درمیان تعلیم تربیت اور ریسرچ کی ساجھے داری میں انتہائی اہم رہنمائی فراہم کرنے کاکام انجام دے گا۔اے آئی ای سی ایک ایسا فورم ہے جس کے ارکان کے تعلق تعلیم ، صنعت او رحکومت سےہے ، تاکہ وہ بڑی باہمی ترجیحات اور اجتماعی کوششوں کے سلسلے میں فیصلوں میں وزیروں کی مدد کرسکیں۔
جاؤڈیکر اپنے دورے کے موقع پر آسٹریلیا کے وزیر تعلیم سائمن برمنگھم سے بھی باہمی ملاقات کریں گے۔وفد کے ارکان یونیورسٹی آف ایڈیلیڈ، ایڈیلیڈ میں واقع پیرافیلڈ گارڈنس ہائی اسکول اور ڈیکن یونیورسٹی، یونیورسٹی آف ملبورن اور ملبورن میں موناش یونیورسٹی کا دورہ بھی کریں گے ،
تاکہ تحقیقی مہارت ، اسمارٹ کلاس رومز ، آن لائن تعلیم، تعلیم کے میدان میں آئی ٹی سی اقدامات، کام سے مربوط تعلیم، تعلیم کے شعبوں میں آسٹریلیا کے ماہرین کے تجربات سے استفادہ کرسکیں اور دونوں ملکوں کے درمیان تعلیمی تعاون کو مستحکم بنا سکے۔جناب جاؤڈیکر دونوں ملکوں کے تعلیمی اداروں کے درمیان ادارہ جاتی سطح کے مختلف مفاہمت ناموں پر دستخط کرنے کی تقریبات میں بھی شامل ہوں گے۔اے آئی ای سی کی میٹنگ کے بعد دونوں وزیر ایک مشترکہ اعلامیہ بھی منظور کریں گے۔
एक टिप्पणी भेजें