نئی دہلی، ایئرمارشل پی این پردھان اے وی ایس ایم نے آئی ڈی ایس کے ہیڈ کوارٹر میں آپریشنز کے ڈپٹی چیف آف انٹیگریٹڈ ڈیفنس اسٹاف کے طور پر عہدہ سنبھال لیا ہے۔وہ 1981 میں بھارتی فضائیہ میں ٹرانسپورٹ کے ونگ میں پائلٹ کے طور پر شامل ہوئے تھے۔
ٹرانسپورٹ کے اسکواڈرن میں تعیناتی کے دوران انہوں نے آپریشن کے تمام ضابطوں، خاص طور پر اگلی چوکیوں، اے ایل جی، شمال مشرقی خطے اور جموں وکشمیر میں زبردست اہلیت حاصل کی۔
وہ ایک اہل فلائنگ انسٹرکٹر ہیں اور بوئینگ اور اے این-32 طیارے کے پائلٹ اگزامنر رہے ہیں۔وہ دو کارروائیوں کے اڈوں اور ایک ایئرفورس سلیکشن بورڈ سمیت چار کمانیں سنبھال چکے ہیں۔ اس کے علاوہ وہ کمان اور فضائیہ کے صدر دفتر میں بھی کئی اہم عہدوں پر فائز رہے ہیں۔
اپنی ممتاز خدمات اور شاندار ریکارڈ کیلئے انہیں 26 جنوری 2014 کو اتی وششٹ سیوا میڈل سے نوازا گیا۔
एक टिप्पणी भेजें