قومی میوزیم میں سووچھ بھارت ایپ کا آغاز

نئی دہلی ،  ثقافت اورسیاحت کے وزیرمملکت(آزادانہ چارج) ڈاکٹر مہیش شرماکے ہاتھوں نیشل میوزیم جو وزارت ثقافت کے تحت ہے، میں سووچھ بھارت ایپ کا آغاز کیا گیا۔ سووچھ بھارت ایپ میں اصل توجہ اس بات پر دی گئی ہے کہ وہ سووچھ بھارت ابھیان میں سرگرمی کے ساتھ ساتھ شامل ہوجائیں۔ 

فی الحال یہ ایپ اینڈرائڈ موبائل فون پر دستیاب ہے، جسے گوگل پلے اسٹور سے ڈاؤن لوڈ کیا جاسکتا ہے۔

 اس ایپ میں طبیعاتی ویب کے نظریے کو عملی شکل دی گئی ہے۔ جب آپ کسی مقبرے یا میوزیم میں ہوتے ہیں تو یہ سووچھ بھارت ابھیان کے بارے میں آپ کو ایک پیغام دیتا ہے اور آپ سے آپ کے آس پاس کے کچرے کے بارے میں اطلاع دینے کو کہتا ہے ۔ آپ کو اپنے موبائل پر صرف بلو ٹوتھ کھولنے کی ضرورت ہوتی ہے۔

 یہاں تک کہ اگر آپ نے یہ ایپ نہیں ڈاؤن کیا ہوا ہے تب بھی آپ کو سووچھ بھارت ابھیان کے بارے میں گوگل کی طرف سے پیغام دیا جائے گا، جو ایپ کا لنک فراہم کرے گا۔ جب آپ ایک بار ایپ شروع کردیتے ہیں تو آپ سے کچرے کا فوٹو لینے کے لیے کہا جاتا ہے اور آپ سے آپ کی رائے پوچھ کر اسے بھیج دینے کے لیے کہا جاتا ہے۔ اس کی اطلاع متعلقہ افسر کو دے دی جاتی ہے۔ 

اس ایپ پر ثقافت کی وزارت نظر رکھتی ہے، جو شہریوں کے لیےصفائی ستھرائی کی اہمیت کو اجاگر کرنے میں اہم رول ادا کرتی ہے۔