نئی دہلی، ۔ وزیراعظم نریندرمودی کی صدارت میں مرکزی کابینہ نے گجرات کے وساڈ میں واقع انڈین کونسل آف ایگریکلچرل ریسرچ کے ادارے انڈین انسٹی ٹیوٹ آف سوائل اینڈ واٹر کنزرویشن (آئی آئی ایس ڈبلیو سی) کے 4.64 ہیکٹئر (46384 مربع میٹر) اراضی کو 12.67 کروڑ روپے کے معاوضےکی رقم کے بدلے نیشنل ہاویز اتھارٹی آف انڈیا کو دیئے جانے کو منظوری دی ہے۔
اس کے ذریعہ قومی شاہراہ نمبر8 پر احمد آباد –وڈوڈرا سیکشن پر 6 لین کی تعمیر کی جائےگی۔
قومی شاہراہ نمبر8 وڈوڈرا اور احمد آباد کو جوڑنے والی بے حد اہم شاہراہ ہے۔ قومی شاہراہ نمبر 8 احمد آباد -وڈوڈرہ سیکشن پر 6 لین کی تعمیر سے پورے خطے کو فائدہ حاصل ہوگا۔
اس کے ذریعہ بنیادی ڈھانچہ، ٹرانسپورٹ ، مواصلات اور روزگار کی ترقی ہوگی۔مزیدبرآں خطے کے لوگوں کے لئے روزگار کےمواقع بھی پیدا ہوں گے۔ کابینہ کا یہ فیصلہ کلیدی شعبوں میں ترقی کی رفتارکو تیز کرنے کےلئے بنیادی ڈھانچہ کو فروغ دینے کےحکومت کے منصوبے کا ایک اہم حصہ بھی ہے۔
एक टिप्पणी भेजें