نئی دہلی، نیتی آیوگ کے تحت خواتین صنعت کاروں کے پلیٹ فارم (ڈبلیو ای پی) نے شری مہیلا سیوا ساہکاری بینک لمیٹیڈ ، انڈیا بُلس ہاؤسنگ فائننس لمیٹیڈ، ایس آر ای آئی، انفرانسٹرکچر فائننس لمیٹیڈ، شری منت شنکر مشن اور ازخود روزگار کی حامل خواتین کی ایسوسی ایشن (ایس ای ڈبلیو اے) کے ساتھ 5 علیحدہ اسٹیٹمنٹ آف انٹینٹ (ایس او آئی) پر دستخط کئے ہیں۔
ڈبلیو ای پی کا قیام مارچ 2018 میں خواتین کے بین الاقوامی دن کے موقع پر اس مقصد سے بنوایا تھا کہ ایسی خواتین صنعت کاروں کی تعداد میں خاطر خواہ طور پر اضافہ لایا جائے، جو ایک فعال نیو انڈیا کی تخلیق میں معاون ہوں اور اسے با اختیار بنانے میں بھی اپنا تعاون دے سکیں۔
ڈبلیو ای پی کا مقصد یہ ہے کہ اپنے شراکت داری والے اداروں اور انجمنوں کے تعاون سے اس کام کو آگے بڑھایا جائے اور اس سلسلے میں نجی اور سرکاری دونوں طرح کے اداروں سے مدد لی جائے اور انہیں موجودہ اور نئے خواتین پر مرتکز اقدامات کے تئیں راغب کیا جائے اور یہ سارا کام ایک واحد پلیٹ فارم سے انجام دیا جائے۔ اس کے نتیجے میں علم و آگہی میں واقع سقم کی تلافی ہوگی۔ شراکت داروں میں باہم رابطہ کاری میں اضافہ ہوگا اور شراکت داروں کے دائرہ کار کو بڑھانے کے پروگرام کو فروغ حاصل ہوگا۔
ایس او آئی کو جن مالی اداروں کے ساتھ حتمی شکل دی گئی ہے، ان میں شری مہیلا سیوا سہکاری بینک، انڈیا بُلس ہاؤسنگ فائنانس اور ایس آر ای آئی انفرا اسٹرکچر فائنانس شامل ہیں، جنہیں ڈبلیو ای پی-فائنانس ورٹیکل کے تحت لایا جائے گا اور یہ تمام ادارے خواتین صنعت کاروں کو مالی امداد فراہم کریں گے اور ڈبلیو ای پی کے توسط سے ان خواتین صنعت کاروں کو درپیش مالی مسائل کا حل بھی تلاش کریں گے۔
ڈبلیو ای پی شری منت شنکر مشن گوہاٹی کے ساتھ بھی شراکت داری قائم کرےگا تا کہ وہاں قائم اور نئی خواتین صنعت کاروں کو با اختیار بنایا جا سکے اور شمال مشرقی ہندوستان میں ڈبلیو ای پی کے توسط سے نارتھ ایسٹ چیپٹر کو فروغ دیا جا سکے اور شمال مشرق میں ڈبلیو ای پی کو مقبول عام بنایا جا سکے تاکہ اس خطے کی زیادہ سے زیادہ خواتین ڈبلیو ای پی پہل قدمیوں سے مستفید ہو سکیں۔ اسی طریقے سے ایس او آئی، جسے ازخود روزگار کی حامل خواتین ایسوسی ایشن (سیوا) کے ساتھ حتمی شکل دی گئی ہے ، یہ ادارہ ایک ٹریڈ یونین ہے اور نادار ، ازخود روزگار کی حامل خواتین کی ایک انجمن بھی ہے، جس میں دیہی علاقوں میں خواتین صنعت کاروں کی حوصلہ افزائی کی جاتی ہے اور انہیں روزی روٹی کو فروغ دینے والی صنعتوں کو چلانے کے لئے امداد فراہم کرتی ہے۔
اپنے شراکت دار اداروں کی مدد سے ڈبلیو ای پی کا مقصد یہ ہے کہ خواتین صنعت کاروں کو اپنی صنعت کارانہ ہنر مندی کو بروئے کار لانے میں امداد فراہم کی جائے، تنوع پر مبنی پہل قدمیوں کو بڑھاوا دیا جائے اور ہمہ گیر اور طویل المدت حکمت عملیاں اپنائی جا ئیں تاکہ ان کے کاروبار کو فروغ حاصل ہو سکے۔ ڈبلیو ای پی ویب سائٹ ، جو صنعت کارانہ پہل قدمیوں سے آراستہ ہوگا اور اس میں امدادی پروگرام اور فروغ جاتی پروگرام بھی شامل ہوں گے۔ وہ خواتین صنعت کاروں کو مختلف النوع اسکیموں اور پہل قدمیوں سے واقف کرائیں گے اور انہیں مفید مصنوعات ، جو ان کی ضروریات سے مطابقت رکھتی ہوں گی، کہ جانکاری بھی فراہم کرے گا۔
ڈبلیو ای پی نیتی آیوگ کے تحت ایک پہل قدمی ہے، جس کا آغا ز8 مارچ 2018 کو خواتین کے بین الاقوامی دن کے موقع پر کیا گیا تھا۔ اس نظریئے کو پہلی مرتبہ نیتی آیوگ کے سی ای او جناب امیتابھ کانت نے پیش کیا تھا، جنہوں نے نیتی آیوگ کے تحت 8ویں عالمی صنعت کاری ملاقات (جی ای ایس) کے اختتام پر خواتین صنعت کاروں کےایک پلیٹ فارم کے قیام کا اعلان کیا تھا۔ واضح رہے کہ اس چوٹی ملاقات کا اہتمام 2017 میں حیدر آباد میں کیا گیا تھا اور اس کا موضوع تھا‘ خواتین کو ترجیح، سب سے کیلئے خوشحالی’۔
एक टिप्पणी भेजें