نئی دہلی، ہاؤسنگ اور شہری امور کی وزارت نے نالیوں اور گندے ٹینکوں کی صفائی کے لئے مناسب تکنیک کو فروغ دینے سے متعلق ٹیکنالوجی چیلنج کا آغاز کیا ہے تاکہ گندے ٹینکوں اور نالیوں وغیرہ کی صفائی کے کام میں انسانوں کی شمولیت کو ختم کیا جا سکے ۔یہ وزیراعظم نریندر مودی کے اس ویژن کے مطابق ہے جس کی خواہش انہوں نے 4 مئی 2018 کو اپنی زیر صدارت ایک میٹنگ میں ٹیکنالوجی چیلنج کے لئے ظاہر کی تھی تاکہ نالیوں اور گندے ٹینکوں کی صفائی کے کاموں میں انسانوں کی شمولیت سے بچنے کے لئے تازہ ترین ٹیکنالوجیز کو فروغ دیا جا سکے۔
ہاؤسنگ اور شہری امور کی وزارت نے جسے یہ ذمہ داری دی گئی ہے ،اب ٹیکنالوجی چیلنج : گندے پانی کی نکاسی کے نظام اور گندے ٹینکوں کی صفائی کے لئے حل تلاش کرنے کی نشاندہی کرنے، کا آغاز کیا ہے ۔ مذکورہ چیلنج مہاتما گاندھی انٹر نیشنل سینی ٹیشن کنونشن کا ایک جزو ہوگا۔ یہ کنونشن 2 ؍اکتوبر 2018 کو منعقد ہوگا۔
ٹیکنالوجی چیلنج –تفصیلات
گندے نالیوں اور گندے ٹینکوں کی صفائی کے کاموں میں انسانوں کی شمولیت کا خاتمہ اس چیلنج کا حتمی ہدف ہے۔ ہاؤسنگ اور شہری امور کی وزارت ، حکومت ہند نے اس سلسلے میں دلچسپی رکھنے والے اختراع کاروں ، افراد ، کمپنیوں ، تعلیمی اداروں ، تحقیق اور ترقی کے مراکز ، غیر سرکاری تنظیموں اور بلدیاتی اداروں سے تجاویز طلب کی ہیں کہ وہ اس بابت اختراعی تکنیکی حل فراہم کریں تاکہ گندے نالیوں اور ٹینکوں کی صفائی کے کاموں میں انسانوں کی ضرورت ختم ہو سکے۔
एक टिप्पणी भेजें