نئی دہلی، ہندوستان کے محکمہ موسمیات نے آج سے 28 جون تک گجرات خطے میں آئندہ تین دن کے لئے بھاری سے بہت بھاری بارش کی پیشنگوئی کی ہے۔ محکمے نے کونکن اور گوا ساحلی کرناٹک، مغربی بنگال، سکم، اروناچل پردیش، آسام ، میگھالیہ ، ناگا لینڈ ، منی پور ، میزورم اور تریپورہ میں اس پورے ہفتے بھاری سے بہت بھاری بارش کی پیشنگوئی کی ہے۔
اس وارننگ کی وجہ سے توقع ہے کہ دریا کے مختلف طاس میں پانی کی سطح میں اضافہ ہوگا ۔ متوقع بارش کی وجہ سے اگلے تین دنوں کے دوران مختلف علاقوں کے لئے وارننگ اور ایڈوائزری جاری کی گئی ہے جو حسب ذیل ہے۔
دمن گنگا طاس: اگلے48 گھنٹے کے دوران مہاراشٹر کے ناسک ضلع میں گجرات میں ولساڑ اور مرکز کے زیر انتظام علاقے دمن اور دیو کے دمن میں دمن گنگا طاس( بیسن) میں پانی کی سطح میں تیزی سے اضافہ ہوگا ۔ فی ا لحال گجرات کے ولساڑ ضلع میں واقع مدھوبن باندھ میں پانی کی سطح میں اضافہ ہوگا اور پانی کا ذخیرہ بڑھے گا۔
ممبئی: شمالی کونکن میں 26 جون کو بہت زیادہ بارش کی وارننگ کے ساتھ ساتھ ایک دو مقامات پر بہت زیادہ بارش اور جوار بھاٹا کو دیکھتے ہوئے شہری علاقے میں باڑھ یا سیلاب کی صورتحال پیدا ہوسکتی ہے۔
مغربی سمت میں بہنے والی ندیوں کی وادی کی صورتحال اگلے پانچ دنوں میں بارش کے امکانات کے پیش نظر مغربی گھاٹ سے نکلنے والی اور بحرہ عرب میں بہنے والی ندیوں میں تیزی سے پانی کی سطح میں اضافہ ہوسکتا ہے ۔ مہاراشٹر میں تھانے ،رائے گڑھ، رتنا گری، سندھو درگ اور کرناٹک میں شمالی کنڑ ادوپی اور جنوبی کنڑ ضلعوں میں ندیوں میں تیزی پانی کی سطح میں اضافہ ہونے کے سبب قومی شاہراہ کے کنارے پرانے پلوں اور کو نکڑ ریلوے شاہراہوں میں ضروری احتیاط برتی جائے۔
کرشنا طاس: توقع ہے کہ دریا کرشنا اور اس کی معاون ندیوں میں مہاراشٹر کے ستارا سانگلی ، کولہا پور، پونے اور شولا پورضلعوں میں پانی کی سطح میں اضافہ ہوسکتا ہے۔ کرشنا ندی کی وادی کے اکثر باندھوں میں کم ذخیرہ ہونے کے سبب مہاراشٹر کے باندھ میں پانی کی سطح میں اضافہ ہوسکتا ہے۔
برہمپتر طاس: مغربی بنگال اور سکم میں تیستا دریا اور اس کی معاون ندیوں میں جلپالی گڑی اور کوچ بہار کے ضلعوں میں پانی کی سطح میں اضافہ ہونے کا امکان ہے۔ سکم اور مغربی بنگال میں ان ندیوں سے جڑے علاقوں میں ضروری احتیاط رکھنے کی ضرورت ہے۔ اروناچل پردیش اور آسام کے سیانگ، مشرقی اور مغربی کا مینگ ، لکھیم پور ، دھیما جی ، جورہاٹ، سونت پور، بارپیٹا، چرانگ، گوپال پاڑہ ، بونگیا گاؤں ، کوکرا جھار، جنوبی سلماڑا، اور ڈھوبری ضلعوں میں اگلے تین سے پانچ دنوں تک کڑی نگرانی رکھی جائے۔
بارک طاس: بارک ندی اور آسام کے کاکر ہیلا کھانڈی اور کریم گنج ضلع میں اس کی معاون ندیوں اور منو ، گومتی، ہورا اور تریپورہ میں اس کی معاون ندیوں میں بارش کی صورتحال میں پانی کی سطح میں اضافہ ہونے کا امکان ہے۔
एक टिप्पणी भेजें