غیرقانونی منشیات کا غلط استعمال خصوصاً نوجوان نسل اور اسکول جانے والے بچوں کی صحت کے لئےچیلنجز پیدا کررہا ہے

نئی دہلی، صدرجمہوریہ رام ناتھ کووند نے منشیات کی لت اور اس کے ناجائز کاروبار کے خلاف عالمی دن کے موقع پر آج نئی دہلی میں شراب اور منشیات کی لت کی روک تھام کے شعبے میں غیرمعمولی خدمات کے لئے قومی ایوارڈز پیش کئے۔ اس موقع پر اظہار خیال کرتے ہوئے صدر جمہوریہ نے کہا کہ نشے اور شراب کی لت کی وجہ سے فرد، کنبہ اور معاشرہ پر منفی اثر پڑتا ہے جس سے صحت ، ثقافت اور ترقی بری طرح متاثر ہوتی ہے۔ نشے کی لعنت غربت کو فروغ دیتی ہے اور ہمارے قومی سلامتی کے لئے بھی ایک چیلنج پیدا ہوتا ہے۔ ساتھ ہی ساتھ ہماری ترقی اور عوام کے فلاح وبہبود کے مقاصد بری طرح متاثر ہوتے ہے۔

صدرجمہوریہ نے کہا کہ میا نمار، لاوس ، تھائی لینڈ کے گولڈن ٹرائی ابنگل اور ایران، افغانستان اور پاکستان کے گولڈن کریسنٹ کے درمیان ہمارے جغرافیائی وقوع نے منشیات کی لعنت اور منشیات کے ناجائز کاروبار نے مسئلے کو اور زیادہ پیچیدہ بنادیا ہے ۔ سرحدی علاقوں میں منشیات کے غیرقانون کاروبار میں اضافہ دہشت گردی اور سیاسی بے چینی کے مسائل کے ساتھ بھی جڑا ہوا ہے۔ اس سے پنجاب اور منی پور جیسی سرحدی ریاستوں میں زیادہ نگرانی کی ضرورت ہے۔

صدرجمہوریہ نے کہا کہ غیرقانونی منشیات کا غلط استعمال خصوصاً نوجوان نسل اور اسکول جانے والے بچوں کی صحت کے لئےچیلنجز پیدا کررہا ہے۔ انہو ں نے بتایا کہ منشیات کی لت کے مسئلے سے صرف اس صورت میں نمٹا جاسکتا ہے۔ بشرطیکہ ہم اس کے خلاف بیداری پیدا کریں اور سرکاری کوششوں کی حمایت کریں اور اس کی روک تھام کے لئے اقدامات کریں۔ انہو ں نے کہا کہ نشے کے عادی لوگوں کے لئے ہمدردی دکھائے جانے کی ضرورت ہے انہوں نے اس بات پر خوشی کااظہار کیا کہ سماجی انصاف کی وزارت نے اس سمت میں ضروری اقدامات کئے ہیں۔

اس موقع پر جن شخصیتوں نے شرکت کی ان میں سماجی انصاف اور تفویض اختیارات کے مرکزی وزیر جناب تھاور چند گہلوت ،سماجی انصاف اور تفویض اختیارات کے وزراء مملکت جناب رام داس انتھوال اور جناب کرشن پال گرجر اور وجے سامپلا موجود تھے۔