یہ تجویز صارفین امور کے محکمہ کو منتقل کردی گئی تھی تاکہ وہ قیمتوں میں استحکام سے متعلق فنڈ (پی ایس ایف) کے تحت کم از کم امدادی قیمت (ایم ایس پی) نیز بونس کے عوض کسانوں سے براہ راست خریداری کرکے دالوں کا بفر اسٹاک بنائے۔ خریداری کا یہ سلسلہ 22 اپریل 2017 تک جاری رہا اورتقریباً 4 لاکھ میٹر ٹن تور کی دال خریدی گئی جو کہ مجموعی متوقع پیداوار کا 31.95 فی صد ہے۔ دالوں کی کھیپ کی مسلسل آمد کی وجہ سے ریاستی حکومت نے فیصلہ کیا تھا کہ رجسٹرڈ کسانوں سے یا پھر ان سے جنہیں متعدد خرید مراکز پر 22 اپریل 2017 تک ٹوکن جاری کئے گئے ہیں ، سے دالیں اپنے وسائل سے خریدی جائیں۔
5 مئی 2017 کو پی ایس ایس کےنفاذ کے لئے حکومت مہاراشٹر سےدوبارہ درخواست موصول ہوئی۔ تازہ تجویز میں مہاراشٹر حکومت نے 31 مئی تک 20 لاکھ کوئنٹل (2 لاکھ میٹرک ٹن) دال خریدنے کی درخواست کی تھی۔ انہوں نے یہ بھی بتایا کہ ان کے تیسرے تخمینے کے مطابق ریاست میں تور کی پیداوار 20035 للاکھ میٹرک ٹن ہوگی۔ خریف تور کی بوائی کی مدت سے متعلق نوٹی فکیشن پر نظر ثانی کی گئی اور اسے ستمبر سے مارچ تک سے بڑھاکر 31 مئی 2017 تک کردیا گیا۔
اس تجویز پر غور کرتے ہوئے محکمہ نے 31 مئی 2017 تک پی ایس ایس کے تحت ایک لاکھ میٹرک ٹن مزید دال کی خرید کو منظوری دے دی ہے بشرطیکہ 27 اپریل 2017 کور یاستی حکومت کے ذریعہ جاری نوٹیفکیشن کے مطابق جو خریداری کی گئی ہے اسے پی ایس ایس کے تحت کی گئی خریداری میں منہا (ایڈجسٹ) نہیں کیا جائے گا اور ریاستی حکومت ریاست میں پی ایس ایس کے خوش اسلوبی کے ساتھ نفاذ کے لئے گوداموں اور دیگر وسائل کا ضروری بندوبست کرلے۔
एक टिप्पणी भेजें