ان شرحوں سے سیمنٹ پر جی ایس ٹی کی رو سے عائد ٹیکس 29 فیصد کے بقدر ہی ہوگا۔ اس کے ساتھ ہی اگر سی ایس ٹی ، چنگی اورداخلہ ٹیکس وغیرہ کو بھی شامل کیاجائے تو بھی اس ٹیکس کی مقدار 31 فیصد سے کچھ ہی زیادہ ہوگی۔ اس کے مقابلے میں سیمنٹ پر مجوزہ جی ایس ٹی کی شرح محض 28 فیصد ہے۔
آیورویدک ، یونانی ، سدھ، ہومیوپیتھی یا بایو کیمیکل نظام سے متعلق دواؤں پر عام طور پر 6 فیصد مرکزی اکسائز محصول اور5 فیصد ویٹ عائد کیا جاتا ہے۔ مزید برآں دواؤں پر قابل اطلاق ٹیکس سی ایس ٹی ، چنگی اور داخلہ ٹیکس وغیرہ کو شامل کرکے ٹیکس کی کُل رقم 13 فیصد سے زائد ہوگی جبکہ جی ایس ٹی کی مجوزہ شرح سے آیورویدک دواؤں سمیت تمام دواؤں پر ٹیکس کی شرح محض 12 فیصد ہوگی۔
آج کل اسمارٹ فون پر 2 فیصد سینٹرل اکسائز محصول عائد کیا جاتا ہے (1 فیصد اکسائز محصول اور 1 فیصد این سی سی ڈی) ۔ اس کے ساتھ ہی مختلف ریاستو ں میں ویٹ کی شرحیں بھی 5 سے 15 فیصد تک ہیں۔ تاہم اسمارٹ فون پر اوسط ویٹ کی شرح 12 فیصد ہے۔ اس طرح اسمارٹ فون پر موجودہ ٹیکس 13 فیصد سے زائد ہے جبکہ اسمارٹ فون پر جی ایس ٹی کی ٹیکس کی شرح 12 فیصد ہے۔
اسی طرح جراحت کے اوزاروں سمیت طبی آلات پر عام طور سے 6 فیصد سینٹرل اکسائز محصول عائد کیا جاتا ہے اور 5 فیصد ویٹ ۔ اس کے ساتھ سی ایس ٹی ، چنگی اور داخلہ ٹیکس وغیرہ کو شامل کرکے عائد کیا جانے والا کُل ٹیکس 13 فیصد سے زائد ہوتا ہے۔
اس کے برعکس جی ایس ٹی کی رو سے ان آلات اور مشینوں پر ٹیکس کی شرح محض 12 فیصد ہے۔ دوسری طرف ہون سامگری سمیت پوجا کی سامگری پر کوئی ٹیکس نہیں عائد کیا گیا ہے۔ تاہم اس کے حتمی فارمولے کو ابھی قطعی شکل دی جانی باقی ہے۔
एक टिप्पणी भेजें