وارانسی میں سیویج کی صفائی کے پروجیکٹوں کا کام تیزی سے جاری ہے

نئی دہلی، وارانسی میں نمامی گنگے پروگرام کے تحت اس وقت جاری سیویج کے بنیادی ڈھانچہ پروجیکٹوں کے بارے میں ایک حالیہ جائزہ میٹنگ میں نیشنل مشن فار کلین گنگا(این ایم سی جی)کے ڈائریکٹر جنرل جناب راجیو رنجن مشرا نے کام میں تیزی لانے کی ضرورت پر زور دیا۔شہر میں تیزی سے تیار ہونے والے دو ایس ٹی پی پروجیکٹوں کے ذریعے ان کے مکمل ہونے پر 19کروڑ لیٹر سیویج کے پانی کو دریا میں داخل ہونے سے روکا جاسکے گا۔ ان میں سے دینا پور کا 140ایم ایل ڈی یعنی (ملینس آف لیٹرس پرڈے)ایس ٹی پی تقریباً مکمل ہوچکا ہے، جبکہ ہائی برڈ این او ٹی موڈ کے تحت رامان کے 50 ایم ایل ڈی کے ایس ٹی پی پروجیکٹ میں اچھی پیش رفت ہورہی ہے۔

ڈی جی نے وارانسی میں پرانے سیور کے 10 پروجیکٹوں کی تجدید کا بھی جائزہ لیا، جن کے سلسلے میں کام مکمل ہونے کے قریب ہے۔ امید ہے کہ یہ کام اکتوبر 2018 تک مکمل ہوجائے گا۔ایس ٹی پی کام کے علاوہ ڈی جی نے شہر میں 84گھاٹوں کی صفائی کے کام کا بھی جائزہ لیا۔ یہ گھاٹ 8.5کلومیٹر طویل پٹی پر پھیلے ہوئے ہیں۔ 

اس پروجیکٹ کے تحت جو کارروائیاں کی جارہی ہیں، ان میں صفائی، دھلائی ، پوچھائی، کیچڑ کو نکالنا اور اس کو دوسری جگہ پہنچانا،تعمیر اور کچرے کو ٹھکانے لگانا،آگاہی پیدا کرنا اور تعلیم شامل ہیں۔مقامی آبادی اور سیاحوں سے ان کی جو رائے سننے کو ملی ہے اس کے مطابق 65.4فیصد لوگوں نے اس کام کو بہت ہی اچھا اور 33.5 لوگوں نے اچھا قرار دیا ہے۔

 ڈی جی نے وارانسی میں نہانے کے 26گھاٹوں کو بہتر بنانے کے ایک پروجیکٹ کی پیش رفت کا بھی جائزہ لیا۔ اس کام کی منظوری 11.73کروڑ روپے کی لاگت سے جنوری 2018 میں دی گئی تھی۔