جنوبی افریقہ کی سات وکٹوں سے جیت

انگلینڈ نے جنوبی افریقہ کو جیتنے کے لیے ایک سو انیس رنز کا ہدف دیا تھا۔ جنوبی افریقہ نے یہ ہدف انیس اوورز میں تین وکٹوں کے نقصان پر پورا کرلیا۔

جنوبی افریقہ کو کیلس اور ڈومنی نے جیت سے ہمکنار کرایا۔ کیلس نے 44 گیندوں میں 48 جبکہ ڈومنی نے 54 گیندوں میں 47 رنز بنائے۔

چیسٹر لی سٹریٹ گراؤنڈ میں کھیلے جانے والے میچ میں انگلینڈ کی جانب سے کیسویٹر نے سب سے زیادہ سکور کیا۔ انہوں نے چوبیس گیندوں میں پچیس رنز بنائے۔

انگلینڈ کا آغاز اچھا نہ تھا اور ہیلز گیارہ رنز بنا کر رن آؤٹ ہو گئے۔ کیسویٹر جو اچھا کھیل رہے تھے ان کو بوتھا نے آؤٹ کیا۔ انگلینڈ کا اس وقت مجموعی سکور چالیس تھا۔

تاہم اس کے بعد کوئی بھی کھلاڑی جم کر نہ کھیل سکا۔ انگلینڈ نے مقررہ بیس اوورز میں سات وکٹوں کے نقصان پر ایک سو اٹھارہ رنز بنائے۔

جنوبی افریقہ کی جانب سے پیٹرسن اور بوتھا نے دو دو جبکہ سٹائن اور مورکل نے ایک ایک وکٹ حاصل کی۔