وزارتِ سماجی انصاف اور تفویض اختیارات، ’’عالمی یوم منشیات اور ان کی غیرقانونی اسمگلنگ کے طور پر منائے گی

نئی دہلی، صدر جمہوریۂ رام ناتھ کووند، عالمی یومِ منشیات اور غیرقانونی اسمگلنگ کے موقع پر شراب نوشی اور نشہ آور مادے (منشیات) کے استعمال سے بچاؤ اور روک تھام کے میدان میں غیرمعمولی کارکردگی پیش کرنے والے اداروں اور افراد کو چوتھے قومی ایوارڈ سے سرفراز کریں گے۔ یہ ایوارڈس، صدر جمہوریہ، وزارت سماجی انصاف اور تفویض اختیارات کی جانب سے نئی دہلی کے وگیان بھون میں 26جون کو منعقدہ ایک تقریب میں عطا کریں گے۔ اس تقریب میں مرکزی وزیر برائے سماجی انصاف اور تفویض اختیارات جناب تھاور چند گہلوت، وزیر مملکت برائے سماجی انصاف اور تفویض اختیارات جناب کرشن پال گرجر، جناب رام داس اٹھاولے اور جناب وجے سمیلا بھی شرکت کریں گے۔ اس کے علاوہ اس تقریب میں دیگر شرکاء میں ریاستی حکومت کے افسران، غیرسرکاری تنظیمیں، اس میدان میں کام کررہیں قومی اور بین الاقوامی تنظیمیں، اسکول اور کالجوں کے طلباء، پروفیشنلز اور ماہرین اور نیم فوجی دستوں کے عملہ کے افراد شامل ہیں۔

وزارتِ سماجی انصاف اور تفویض اختیارات، ہر سال 26جون کو عالمی یومِ منشیات اور غیرقانونی اسمگلنگ کے دن کے طور پر مناتی ہے۔ حکومت ہند نے سال 2013 سے شراب نوشی اور نشہ آور مادّے سے بچاؤ اور روک تھام کے میدان میں غیرمعمولی اور بہترین کارکردگی کے لئے قومی ایوارڈس کی اسکیم میں شامل کیا ہے۔ یہ ایوارڈ اس سے قبل سال 2014 تک سال میں ایک بار تقسیم کئے جاتے تھے، تاہم ایوارڈس کی اسکیم میں ترمیم کرکے اب ان ایوارڈس کو سال میں دو مرتبہ عطا کیا جاتا ہے۔ یہ اسکیم ان اداروں اور افراد کے لئے کارفرما ہے، جو شراب نوشی اور نشہ آور مادے (منشیات) کے استعمال سے بچاؤ اور روک تھام کے لئے کام کررہے ہیں۔ اب تک، 26جون 2013، 26جون 2014، 26جون 2016 تک تین قومی ایوارڈس کامیابی کے ساتھ عطا کئے جاچکے ہیں۔

سال 2018 کی ان ایوارڈس کے 7 مختلف زمروں کی نامزدگی کے بارے میں اخبارات میں اشتہار کے ذریعہ اور ریاستی حکومتوں، مرکز کے زیر انتظام علاقوں نیز متعلقہ وزارتوں کو خط لکھ کر مطلع کردیا گیا ہے۔ ایوارڈس کی نامزدگیوں کے انتخاب کے لئے مرکزی وزیر برائے سماجی انصاف اور تفویض اختیارات کی چیئرمین شپ کے تحت قومی انتخابی کمیٹی، اسکریننگ کمیٹی کے ذریعہ چنی گئی نامزدگیوں پر غور و خوض کیا جاتا ہے اور ایوارڈ کے لئے حتمی طور پر چنا جاتا ہے۔

وزارت نے رضاکارانہ تنظیموں (وی او)؍ غیرسرکاری تنظیموں (این جی او) کو مالی سال 2014-15 سے گرانٹ اِن ایڈ کی پروسیسنگ کا آن لائن نظام شروع کیا ہے۔ وزارت کی امداد سے ملک بھر میں نشے کی لت میں مبتلا افراد کے لئے 400 مربوط بازآبادکاری مراکز (آئی آر سی اے) چلائے جارہے ہیں۔ اس اسکیم کے تحت ہر سال تقریباً ایک لاکھ منشیات؍ شراب نوشی کے عادی افراد کو فائدہ پہنچتا ہے۔ نشے کے عادی افراد، ان کے اہل کنبہ اور معاشرے کو مدد بہم پہنچانے کے لئے قومی ٹول فری ہیلپ لائن نمبر (1800-11-0031) کا آغاز بھی کیا گیا ہے۔