نئی دہلی، مرکزی وزیر داخلہ راجناتھ سنگھ نے ’’وزیر داخلہ کا خصوصی آپریشن میڈل‘‘ کے آغاز کو منظوری دے دی ہے۔ خصوصی کارروائیوں میں شامل ریاستوں اور مرکز کے زیر انتظام علاقوں کے پولیس عہدیداران ، مرکزی پولیس تنظیمیں ، مرکزی مسلح پولیس فورس اور سکیورٹی ادارے اس میڈل کے لئے اہل ہوں گے۔
مرکزی وزیر داخلہ نے مزید تین میڈل بھی شروع کئے ہیں جن میں آنترک سرکشا میڈل ، آسادھارن آشوچان پدک اور اُتکرشٹ اور اتی اُتکرشٹ سیوا میڈل شامل ہیں۔ یہ میڈل ہر سال دئے جائیں گے جبکہ وزیر داخلہ خصوصی آپریشن میڈل اور آسادھارن آشوچان پدک 15 اگست کو یوم آزادی کے موقع پر دیا جائے گا۔ آنترک سرکشا میڈل اور اُتکرشٹ اور اتی اُتکرشٹ سیوا میڈل کا یوم جمہوریہ کے موقع پر 26 جنوری کو اعلان کیا جائے گا۔
آسادھارن آشوچان پدک مرکزی حکومت کی خفیہ تنظیموں ، انٹیلی جنس محکمے؍ شاخوں ؍ خصوصی شاخوں ؍ تمام ریاستوں ؍ مرکز کے زیر انتظام علاقوں کی پولیس یونٹوں ، سی پی او ، سی اے پی ایف ، آسام رائفل اور نیشنل سکیورٹی گارڈ کے عہدیداروں کو خفیہ معلومات یکجا کرنے میں غیر معمولی حوصلہ اور صلاحیت کے مظاہرے کے لئے دیا جائے گا۔
آنترک سرکشا میڈل ریاستوں ؍ مرکز کے زیر انتظام علاقوں کے پولیس اہلکاروں ، سی پی او ، سی اے پی ایف ، ریاست جموں وکشمیر ؍ بائیں بازو کی انتہا پسندی سے متاثر خطے ؍ شمال مشرقی خطے میں داخلی سکیورٹی میں ہر دو سال کے لئے آپریشن ڈیوٹی میں مصروف سکیورٹی اداروں کے اہلکاروں کو دیا جائے گا۔
اُتکرشٹ اور اتی اُتکرشٹ سیوا میڈل سی پی اے ایف ، ریاست ؍ مرکز کے زیر انتظام علاقے کی پولیس فورس ، سی پی او ، اے آر ، این ایس جی ، ہوم گارڈ اور مرکزی حکومت ؍ ریاستی حکومت کے خفیہ اداروں ؍ سی اے ٹی ایس میں کام کرنے والے مستقبل پولیس اہلکاروں اور دیگر مستقل معاون عملے کو 15 اور 25 سال تک بہترین سروس ریکارڈ کے لئے دیا جائے گا۔
وزیر داخلہ کے خصوصی آپریشن میڈل ، آنترک سرکشا میڈل اور آسادھارن آشوجان پدک کے لئے تعداد کی کوئی حد ؍ کوٹہ نہیں ہوگا جبکہ اُتکرشٹ اور اتی اُتکرشٹ سیوا میڈل کے لئے(کانسٹبل ؍ ایچ سی ؍ اے ایس آئی ؍ ایس آئی؍ انسپکٹر ؍ ڈپٹی ایس پی ؍ ایس پی اور اس سے آگے) مقررہ تعداد کا بالترتیب ایک فیصد اور پانچ فیصد کی حد مقرر ہوگی۔
یہ میڈل اس صورت میں واپس بھی لئے جاسکتے ہیں جبکہ یہ میڈل پانے والے شخص بے وفائی کا قصور وار پایا جائے یا فورس کے لئے بے عزتی کا سبب بنے، جیسے اسے برخواست کیا جائے، بڑا جرمانہ ادا کیا جائے یا وہ کسی جرم میں ملوث پایا جائے۔
एक टिप्पणी भेजें