نئی دہلی، نائب صدر جمہوریہ ایم وینکیا نائیڈو نے کہا ہے کہ میڈیا کو مطلع کردہ کارروائیوں کے توسط سے ترقی کے لئے تفویض اختیارات کے وسیلے کے طور پر کام کرنا چاہئے۔ اس کے ساتھ ہی انھوں نے ملک کے تمام بڑے مسائل پر تعمیری، عوامی مباحثوں پر زور دیا۔ انھوں نے کہا کہ میڈیا کو بھی اسی سمت میں اپنا کردار ادا کرنا چاہئے۔
راجیہ سبھا ٹیلی ویژن (آر ایس ٹی وی) کے پیشہ ور عملے سے خطاب کرتے ہوئے جناب ایم وینکیا نائیڈو نے کہا کہ میڈیا کو مطلع کردہ کارروائیوں کے توسط سے ترقی کے لئے تفویض اختیارات کے وسیلے کے طور پر کام کرنا چاہئے۔ انھوں نے کہا کہ میڈیا کو، عوام الناس کو آپس میں متحد بنانے پر کام کرنا چاہئے، نہ کہ انھیں آپس میں تقسیم کرنے پر کام کرنا چاہئے ۔ اس موقع پر جناب ایم وینکیا نائیڈو نے اس ماہ یوٹیوب کے صارفین کی تعداد 10 لاکھ نشانے تک پہنچ جانے کے موقع پر راجیہ سبھا ٹی وی کے تقریباً 100 پیشہ ور افراد کے لئے ایک خصوصی چائے کی دعوت کا بھی اہتمام کیا۔
اس موقع پر ایم وینکیا نائیڈو نے گزشتہ دس برسوں کے دوران ناظرین کی تعداد 574378 ہوجانے پر راجیہ سبھا ٹی وی کو مبارک باد دی، کیونکہ 2011 میں راجیہ سبھا ٹی وی کے آغاز سے اب تک اس چینل کے ناظرین کی تعداد محض 425622 ہی تھی۔
جناب نائیڈو نے کہا کہ کسی بھی قوم کی پیش قدمی ملک میں عوامی بحث سے متاثر ہوتی ہے، مثلاً ملک و قوم کو درپیش چیلنجوں کا متحد ہوکر مقابلہ کرنے کے تعمیری اور مثبت نشانے پر عوامی مباحثے جیسے اجتماعات کا اہتمام کیا جانا چاہئے۔
نائیڈو نے کہا کہ ملک میں ہونے والے مباحثے قوم کی پیش قدمی پر اثرات مرتب کرتے ہیں، لیکن یہ مباحثے مثبت اور تعمیری ہونے چاہئیں، ان کا مقصد ملک کو درپیش چیلنجوں کا اجتماعی طور سے تدارک ہونا چاہئے۔
وینکیا نائیڈو نے مزید کہا کہ جمہوریت کے چوتھے ستون کی حیثیت سے میڈیا کو ایسے مثبت مباحثوں کے فروغ کے لئے اپنا اہم کردار ادا کرنا چاہئے، اسے مختلف سطحوں پر درپیش مسائل، پالیسیوں کی خامیوں اور انتظامیہ کی کوتاہیوں کو اجاگر کرتے ہوئے ایک مختلف تناظر پیش کرنا چاہئے، تاکہ عوام معلوم شدہ اقدامات کرسکے۔ اس سلسلے میں میڈیا کو ہر قسم کی ترغیبات سے بالاتر ہوکر اپنا تنقیدی کردار ادا کرنا چاہئے۔
انھوں نے کہا کہ راجیہ سبھا ٹی وی پارلیمنٹ کا ادارہ ہے اور اس کی ادارتی پالیسی اور چینل کے ذریعے کی جانے والی کوریج کی رہنمائی پارلیمنٹ کے فیصلے کے مطابق کی جانی چاہئے۔
एक टिप्पणी भेजें