نئی دہلی، دوران سفر پانی کے خرچ کے دوران پانی کی بچت نہ صرف مسافر ڈبوں میں دوران سفر پانی کے ختم ہونے کی شکایت سے بچنے کا موثر طریقہ ہے بلکہ یہ ایک چھوٹا لیکن پانی کے قیمتی وسیلے کی جانب ایک اہم قدم ہے۔ انڈین ریلویز کے بھساول ڈویژن نے پانی کی بچت کی جانب ایک قدم کے طور پر تیجس ایکسپریس (ریل گاڑی نمبر 22119/22120) کے بیسن نلوں میں خصوصی طور پر ڈیزائن شدہ ایریٹرس نصب کئے ہیں۔ یہ ایریٹرس اپنے چھوٹے چھوٹے سراخ کے ذریعہ آنے والے پانی کی بوچھاڑ کو مزید چھوٹے چھوٹے بوچھاڑ میں تبدیل کردیتے ہیں۔ لہذا صفائی ستھرائی کے لئے جہاں معقول مقدار میں پانی ملتا ہے وہیں یہ ایریٹرس ضرورت سے زیادہ پانی کے بہاؤ کو روک کر پانی کی بربادی کوروکتے ہیں۔
یہ ایریٹرس تیجس ایکسپریس میں قبل سے دستیاب نلکوں میں کسی قسم کی تبدیلی یا بدلاؤ کئے بغیر مذکورہ نلکوں میں یک وقتی قدم کے طور پر نصب کئے گئے ہیں۔ اس طرح سے ہر ایک نلکے سے پانی کی کھپت میں ایک چوتھائی کمی آئی ہے اور اس طرح پانی کی بچت میں یہ ایک اہم قدم ثابت ہوا ہے۔
एक टिप्पणी भेजें