نئی دہلی، خلیج بنگال کے شمال مغربی اور اس سے متصل شمال مشرقی علاقے پر بناہوا کا دباؤ گزشتہ 6 گھنٹوں کے دوران 30 کلومیٹر فی گھنٹہ کی رفتار سے شمال مشرقی کی سمت بڑھتے ہوئے گہرے ہوا کے دباؤ کی شکل اختیار کرکے 12 جون 2017 کی صبح ساڑھے چار بجے سے ساڑھے پانچ بجے کے درمیان بنگلہ دیش میں کھیپوپاڑہ کے ساحلی علاقے میں پہنچ گیا ہے ۔
یہ 22.5 ڈگری شمالی ارض البلد اور90 ڈگری مشرق طول البلد پر جنوبی بنگلہ دیش اور اس کے مضافت میں کھیپو پاڑہ کے نزدیک 60 کلومیٹر شمال مشرق اور جنوب مغربی اگرتلہ تک تقریباََ 170 کلومیٹر کے فاصلے پر ہے اور امکان ہے کہ اگلے بارہ گھنٹوں کے دوران شمال اورشمال مشرق کی طرف بڑھتے ہوئے کمزور ہوجائے گا۔
انتباہات :
1۔ آسام ، میگھالیہ ، ناگالینڈ ، منی پور ، میزورم اور تری پورہ میں اگلے 24 گھنٹوں کے دوران کچھ مقامات پر معمولی سے زبردست بارش تک ہوسکتی ہے اور اس سے اگلے 24 گھنٹوں کے دوران دوردراز کے مقامات پر بھی زبردست بارش ہوسکتی ہے ۔ مشرقی اوڈیشہ اور مغربی بنگال کے ساحلی اضلاع میں بھی اگلے 24 گھنٹے کےدوران معمول اور اس سے زائد زبردست بارش کا امکان ہے۔
2۔ تیزہواؤں کے بارے میں انتباہ : اگلے بارہ گھنٹوں کے دوران شمال اوڈیشہ اورمغربی بنگال کے ساحلی اضلاع میں 50 سے 60 کلومیٹر فی گھنٹہ کی رفتار سے چلنے والی تیز ہواؤں کی رفتار مزید تیز ہوکر 70 کلومیٹر فی گھنٹہ ہوجانے کا امکان ہے ۔ علاوہ ازیں آسام ،میگھ لیہ ، ناگالینڈ ، منی پور ، میزورم اورتری پورہ میں اگلے 48 گھنٹوں کے دوران 30 سے 40 کلومیٹر فی گھنٹہ کی رفتار سے تیز ہواؤں کی رفتار مزید تیز ہوکر 50 کلومیٹر فی گھنٹہ ہوجانے کا امکان ہے ۔
3۔ بحری حالات : اگلے بارہ گھنٹوں کے دوران شمالی اوڈیشہ اور مغربی بنگال کے ساحلی علاقوں کے سمندر کے حالات انتہائی انتشار زدہ رہیں گے۔
4۔ ماہی گیروں کو انتباہ : شمالی اوڈیشہ اور مغربی بنگال کے ماہی گیروں کو مشورہ دیا جاتا ہے کہ مذکورہ بالا مدت میں ماہی گیری کے لئے سمندر میں نہ جائیں
एक टिप्पणी भेजें