نئی دہلی، اڈیشہ میں باری پاڑہ کے پنڈت رگوناتھ مرمو میڈیکل کالج اینڈ اسپتال کے زیر التوا معاملوں کو حل کرنے کیلئے صحت کے مرکزی وزیر جے پی نڈا نے ایک میٹنگ کی۔ پیٹرولیم کے مرکزی وزیر دھرمیندر پردھان بھی اس میٹنگ کے دوران موجود تھے۔
میٹنگ میں ان مسائل پر بھی تبادلہ خیال کیا گیا جو میڈیکل کونسل آف انڈیا (ایم سی آئی) کے ذریعے معائنے سے متعلق کچھ دیگر گورنمنٹ میڈیکل کالجوں کو درپیش ہیں
اس مسئلے کو حل کرنے کیلئے ان کالجوں کے معائنے کیلئے ایم سی آئی کو اجازت دینے کا فیصلہ کیا گیا اور 24 مئی 2017 تک ایک رپورٹ پیش کرنے کو کہا گیا ہے۔ پرنسپل سکریٹری (صحت) اڈیشہ حکومت بھی وزارت صحت کے سینئر افسرو ں کے ساتھ میٹنگ کے دوران موجود تھے۔
میٹنگ میں ایچ ایف ڈبلیو کے سکریٹری سی کے مشرا بھی موجود تھے۔ صحت کے پرنسپل سکریٹری نے مطلع کیا کہ اڈیشہ حکومت نے عمل آوری کیلئے ضروری کارروائی کی ہے۔
एक टिप्पणी भेजें