نئی دہلی، مرکزی وزیر مملکت برائے امور داخلہ کرن رجیجو نے نیشنل ڈزاسٹر مینجمنٹ پلان (این ڈی ایم پی ) کی دوروزہ جائزہ روکشاپ کا افتتاح کیا ۔ اس ورکشاپ کا اہتمام نیشنل ڈزاسٹر مینجمنٹ ا تھارٹی (این ڈی ایم اے ) کی جانب سے کیا گیا ہے ۔
اس موقع پراپنی تقریر میں وزیر مملکت برائے امور داخلہ کرن رجیجو نے کہا کہ آفات ناگہانی کے خطرا ت میں تخفیف کئے جانے کے عمل کو ہماری حکمرانی کے عمل میں شامل کیا جائے ۔ انہوں نے کہا کہ یہ جائزہ ورکشاپ مستقبل میں آفات ناگہانی سے بچاؤ کے انتظام سے متعلق امور میں زبردست رہنمائی کرے گا۔
واضح ہوکہ آفات ناگہانی سے بچاؤ کے اقدامات اور انتظامات پرمبنی یہ پہلا منصوبہ ہے ،جسے نیشنل ڈزاسٹر مینجمنٹ پلان کے نام سے موسوم کیا گیا ہے او ر پچھلے سال جون کے مہینے میں وزیر اعظم جناب نریندر مودی نے اس کا افتتاح کیا تھا ۔
اس پلان میں وقتاََ فوقتاََ جائزہ پروگراموں کے اہتمام کی بات شامل کی گئی ہے تاکہ آفات ناگہانی سے بچاؤ کے میدان میں ابھرتے نئے عالمی طریقوں اور قومی تجربات کو اس منصوبے میں شامل کیا جاسکے ۔
اس کے ساتھ ہی ڈی آر آر پر وزیر اعظم کا دس نکاتی ایجنڈہ بھی اس پلان پرنظر ثانی کے رہنما اصول کی دستاویز کے طور پر کام کرے گا۔ یہ ایجنڈہ ایشین منسٹیریل کانفرنس آن ڈی آر آر کے دوران پچھلے سال نومبر میں مرتب کیا گیا تھا۔
اس موقع پر وزیر اعظم کے پرنسپل سکریٹری ڈاکٹر پی کے مشرا نے تمام متعلقہ دعوے داروں کے لئے اس پلان پر وقتآََ فوقتاََ نظرثانی کئے جانے کو ضروری قرار دیتے ہوئے کہا کہ اس منصوبے پر نظرثانی کے کام میں سماجی ، معاشی حقیقتوں اور بدلتے اذہان کی نوعیتوں کو پیش نظر رکھنا ہوگا۔ این ڈی ایم اے نے اس جائزہ اجلاس میں سبھی دعوے داروں کو شریک رکھنے کی غرض سے ریاستی سرکار وں اور مرکز کی متعلقہ وزارتوں سے اس قومی منصوبے پر مشورے طلب کئے تھے ۔
اس ورکشاپ میں ہونے والے مباحثے مجوزہ نیشنل پلیٹ فارم فار ڈزاسٹر رسک ری ڈکشن (این پی ڈی آر آر ) کے اجلاس میں بھی زیر غور آئیں گے ۔ توقع ہے کہ این پی ڈی آر آر کا یہ اجلاس جلد ہی اہتما م کیا جائے گا۔
این ڈی ایم پی کی دوروزہ جائزہ ورکشاپ کے پہلے روز این ڈی ایم اے کے سینئر افسران ،وزارت داخلہ کے سینئر افسران ، ریاستی سرکاروں اور غیر سرکاری تنظیموں (این جی او ) کے نمائندوں نے شرکت کی ۔
एक टिप्पणी भेजें