نئی دہلی، وزیراعظم نریندر مودی نے سورت میں کرن ملٹی اسپیشلٹی اسپتال اور ہیرے تراشنے کے کارخانے میسرز ہرے کرشنا ایکسپورٹ پرائیویٹ لمٹیڈ کا افتتا ح کیا ۔
وزیر اعظم نے اسپتال کو ایک وقف اسپتال بنانے کی کوشش کو قابل ستائش قراردیا اور کہا اس جدید ترین اسپتال سے شہریوں کو فائدہ ہوگا۔انہوں نے زور دے کر کہا کہ غربیوں کو معیار اور مناسب قیمت والی حفظان صحت سہولیات تک رسائی حاصل ہونی چاہئے ۔
اس ضمن میں انہوں نے مرکزی حکومت کے ان اقدامات کے بارے میں بھی بات کی کہ اس نے دواؤں اور اسٹنٹ کی قیمتو ں کو کم کیا۔ انہوں نے کہا کہ وہ غریبوں اور درمیانے درجے کے لوگوں کے لئے مناسب قیمت والی حفظان صحت کی سہولیات فراہم کرنے کے عہد بند ہیں ۔
وزیراعظم نے کہا کہ سورت ، ہیرے کی صنعت میں ایک اہم شہر ہے ، لیکن اب یہاں نگینوں اور زیورات کے پورے شعبے پر توجہ دئے جانے کی ضرورت ہے ۔ انہوں نے کہا کہ جہاں تک نگینوں اور زیورات کے شعبے کا تعلق ہے تو ہمارا مقصد صرف میک ان انڈیا ہی نہیں ہونا چاہئے بلکہ ڈیزائن ان انڈیا ہونا چاہئے ۔
एक टिप्पणी भेजें