نئی دہلی، مدھیہ پردیش کے 9- اٹیر اور 89- بادھوگڑھ (ایس ٹی) اسمبلی حلقوں کے ہونے والے ضمنی انتخابات کے سلسلے میں انڈین نیشنل کانگریس (آئی این سی ) کے ایک وفد نے الیکشن کمیشن سے ملاقات کی۔ وفد نے الیکشن کمیشن سے آزادانہ، منصفانہ انتخابات اور حکام کی مکمل غیر جانبداری کو یقینی بنانے کا مطالبہ کیا۔
مدھیہ پردیش میں ضمنی انتخابات کی نگرانی کے لئے آندھرا پردیش کے چیف الیکشن افسر جناب بھنور لال کی قیادت میں اعلی سطحی حکام کی ایک ٹیم کو تعینات کرنے کا فیصلہ کیا ہے۔ اس ٹیم میں سینئر پرنسپل سکریٹری جناب آر کے۔ شریواستو اور پرنسپل سکریٹری جناب وریندر کمار کو شامل کیا گیا ہے۔ سینئر افسران کی یہ ٹیم انتخابات کرانے کے تمام انتظامی امور اور سیکورٹی سے متعلق الیکشن کمیشن کی ہدایات پر عمل کرے گی۔
ان دو اسمبلی حلقوں میں لگائی گئی ای وی ایم اور وی وی پی اے ٹی کے صحیح طریقے سے کام کرنے کو یقینی بنانے کے لئے، کمیشن نے تکنیکی ماہرین کے ساتھ دو افسران کی ٹیم کو بھی تعینات کرنے کا فیصلہ کیا ہے۔
پولنگ میں استعمال کی جانے والی ای وی ایم اور وی وی پی اے ٹی کی درستگی کا مظاہرہ تمام لیڈروں کے سامنے ان کے مکمل اطمینان کے لئے کیا جائے گا۔ یہ ٹیمیں اسمبلی حلقے میں ووٹوں کی گنتی ختم ہونے تک موجود رہیں گی۔ الیکشن کمیشن، انتخابات کے پورے عمل کو شفاف ، غیر جانبدارانہ اور معزز ووٹروں سمیت تمام اراکین کے مکمل اطمینان کے ساتھ کرانے کے لیے مصروف عمل ہے۔ انتخابی نظام کو مضبوط بنانے کے لئے الیکشن کمیشن ہمیشہ رہنماؤں کے حقیقی تجاویز کو سننے کو تیار رہے گا۔
एक टिप्पणी भेजें