ایم ڈی ایم ایس آدھار شناخت

نئی دہلی ، انسانی وسائل کی ترقی اور فروغ کے وزیر مملکت اوپندر کشواہا نے راجیہ سبھا میں ایک سوال کے تحریری جواب میں بتایا ہے کہ مڈ ڈے میل اسکیم یا دوپہر کے کھانے سے متعلق اسکیم آدھار (مالی و دیگر ترغیبات، فوائد اور خدمات کی نشان زد فراہمی) ایکٹ مجریہ 2016 کے تحت آتی ہے۔ اس سلسلے میں گزٹ آف انڈیا (غیر معمولی) مورخہ 28 فروری 2017 کو ایک نوٹی فکیشن شائع کیا گیا ہے جو آسام، میگھالیہ اور جموں و کشمیر کے 

علاوہ تمام ریاستوں اور مرکز کے زیر انتظام علاقوں میں نافذ العمل ہوچکا ہے۔ اس نوٹی فکیشن کے مطابق استفادہ کنندگان کو مذکورہ فوائد کے حصول کے لئے آدھار کارڈ کا حامل ہونا یا آدھار نمبر کا ظاہر کرنا یا آدھار شناخت کے عمل سے گزرنا ہوتا ہے اور اگر کوئی فرد آدھار کے لئے انرول (درج رجسٹر) نہیں ہے تو اسے 30 جون 2017 تک آدھار بنوانے کےلئے درخواست دینی ہوں گی۔ شرط یہ ہے کہ جس تاریخ تک اسے آدھار نہیں ملتا، اس تاریخ تک وہ درج ذیل شناختی دستاویزات پیش کرنے ہوں گے ۔

یعنی اگر وہ انرول (درج رجسٹر) ہوا ہے تو اپنی انرولمنٹ آئی ڈی سلپ دکھائے یا اپنی اس درخواست کی وہ نقل جو آدھار انرولمنٹ کے لئے داخل کی گئی ہے، دکھائے نیز اس کے ساتھ ایک تحریر جو اس کے شراکت دار یا قانونی سرپرست کی جانب سے ہوگی، داخل کرے گا کہ یہ بچہ کسی دیگر اسکول سے استفادہ نہیں کررہا ہے۔

آدھار کا استعمال شناختی دستاویز کے طور پر کرنے سے بچے کی صحت پر کوئی اثر نہیں پڑے گا کیونکہ اس سے شفافیت آتی ہے اور خدمات یا فوائد کی فراہمی میں اثرانگیزی پیدا ہوتی ہے۔