نئی دہلی : انسانی وسائل کی ترقی اورفروغ کے وزیر پرکاش جاوڈیکر نے کہاکہ اعلیٰ تعلیم مالیاتی ایجنسی ( ایچ ای ایف اے ) کا سرمایہ بنیاد کو10000کروڑروپے سے بڑھا کر اور 2022تک تعلیم میں بنیادی ڈھانچہ نظام میں نئی مضبوطی لانے کے لئے 100000کروڑروپے فراہم کرنے ذمہ داری دیکر ایچ ای ایف اے کا دائرہ وسیع کرنے کی تجویز کو کابینہ کی منظوری تعلیمی شعبے کو بڑھاوادینے کابڑاقدم ہے ۔
نئی دہلی میں پرکاش جاوڈیکر نے کہاکہ ایچ ای ایف اے وزیراعظم ، جناب نریندرمودی کا خواب ہے ، جس کا مقصد اعلی ٰ تعلیمی اداروں کی ترقی اور فروغ کے لئے تحقیقی اورتعلیمی بنیادی ڈھانچوں کو اضافی سرمائے کی فراہمی ہے ۔
وزیرموصوف نےتفصیل بتاتے ہوئے کہاکہ 14-2013میں تعلیمی شعبے کے لئے 65867روپے کی رقم مختص کی گئی تھی ، جس کو 19-2018میں (67فیصد اضافے کرکے ) فیس میں اضافہ کئے بغیر، ایک لاکھ دس ہزارکروڑروپے کردیاگیاہے ۔اصل مطالبے کی بنیاد پر رواں سال میں ایچ ای ایف اے کو 22000کروڑروپے فراہم کرائے جائیں گے ۔ انھوں نے مزید کہاکہ جدید ترین قسم کی تجربہ گاہیں اورتحقیقی سہولتوں سے بھارت میں ہونہار اور نوجوان افراد کو بھارت میں ہی رہ کرروزگارشروع کرنے پرتوجہ مرکوز کریگی اوراس صورت میں بھارت سے باہراوربیرون ملک کے شہری بھی اس سے متوجہ ہوں گے اوربھارتی یونیورسٹیاں ایسے برین ڈاٹا میں بدل جائیں گی جو منفعت بخش ہوگا۔
انسانی وسائل کے فروغ کے وزیرنے زوردیکر کہا کہ پروجیکٹ پرمبنی سرمائے فراہمی سے پروجیکٹوں کے انتخاب اور ان پرعمل آوری نظم وضبط پیداہوتاہے ۔انھوں نے کہا کہ نئے اداروں پرکوئی بوجھ نہیں پڑے گا کیونکہ حکومت مکمل طورپرقرض کا بوجھ اٹھائیگی اور اس لئے اس منصوبے میں طلبأ کی فیس میں کسی قسم کا اضافہ نہیں کیاجائیگا۔
2022تک آرای ایس ای کے مقاصد کے درج ذیل ہیں :
(اے) 2022تک اعلیٰ عالمی معیارات کے مطابق بھارت کے تحقیق اور اکیڈمک کے بنیادی ڈھانچے کو جدیدترین بنانا،
(بی )ہندوستان کے اعلیٰ تعلیمی اداروں میں اعلیٰ کوالٹی کی حامل تحقیق کے لئے درکارڈھانچہ فراہم کرکے ہندوستان کو تعلیم کا مرکز بنانا۔
(سی ) مرکزی یونیورسٹیوں ، اے آئی آئی ایم ایس ، آئی آئی ایس آئی آراور قومی اہمیت کے حامل نئے اداروں کے طلبأ پراضافی بوجھ ڈالے بغیرایچ ای ایف اے کے لئے سرمایہ بہم رسانی کے عمل کو آسان بنانے کی اجازت ۔
(ڈی) ڈھانچے پرمبنی پروجیکٹوں کو نافذ کرنے میں ذمہ دارانہ احساس اوررفتارپیداکرنا ۔
(ای) سینٹرل اسکولوں اورنوودیہ اسکولوں اوراے آئی آئی ایم ایس جیسے طبی اداروں کی ضروریات کی تیز رفتاری کے ساتھ معینہ مدت کے اندر تکمیل ۔
एक टिप्पणी भेजें