نئی دہلی۔ برہموس ، جو سُپرسونک کروز میزائیل ہے، اسے بالاسور، اڈیشہ کے انٹیگریٹیڈ ٹیسٹ رینج (آئی ٹی آر) سے 11:45 بجے آزمائش کے طور پر داغا گیا۔ یہ میزائیل ایک موبائل خود کار لانچر کے ذریعے داغا گیا اور داغے جانے کے بعد بڑی کامیابی سے پہلے سے طے شدہ راستے پر مشن کے مقاصد کے مطابق پہنچا۔
اس عمل سے اس میزائیل میں استعمال ہوئے اندرون ملک تیار کیے گئے ذیلی نظام کی پرکھ ہوگئی۔ یہ ذیلی نظام ’میک اِن انڈیا‘ مہم کے تحت تیار کیا گیا تھا اور اسی کے مطابق اس کی آزمائش کی گئی۔ اس داغے جانے کے عمل کےد وران نظام میں ایندھن کے انتظام اور دیگر غیردھاتی ہوائی بھٹی کے پرزوں سمیت اندرون ملک تیار کیے گئے اہم کل پرزوں کی پرکھ بھی ہوگئی اور یہ تمام پرزے اب میزائیل کے ایک حصے کے طور پر استعمال ہوں گے۔ یہ بات ڈی جی (برہموس) اور سی ای او و ایم ڈی برہموس ڈاکٹر سدھیر مشرا نے مذکورہ میزائیل داغے جانے کے بعد کہی ہے۔
آر ایم اور ڈی جی (میزائیل اور کلیدی نظام) کے ایس اے ڈاکٹر ستیش ریڈی نے سائنسدانوں کو برہموس کے ملٹی پل سیکشنوں یعنی متعدد حصوں کو تیار کرنے اور انہیں اس مشن کیلئے فراہم کرنے کیلئے مبارکباد دی ہے۔
ڈی آر ڈی او کے چیئرمین اور دفاعی تحقیق وترقی کے محکمے کے سکریٹری ڈاکٹر ایس کرسٹوفر نے ڈی آر ڈی او کی ٹیم اور برہموس سے متعلق ٹیم کو اس کامیاب آزمائشی پرواز کیلئے مبارکباد دی ہے اور کہا ہے کہ برہموس کو اندرون ملک تیار کیے جانے کے سلسلے کے تحت ایک اہم سنگ میل حاصل ہوا ہے۔
برہموس ڈی آر ڈی او آف انڈیا اور این پی او ایم روس کے مابین ایک مشترکہ وینچر ہے۔ از حد فعال اور کارکردہ برہموس بھارتی بری فوج، بھارتی بحریہ اور بھارتی فضائیہ میں استعمال ہوتا رہا ہے۔
برہموس نے اپنے آپ کو عہد جدید کے پیچیدہ جنگی میدانوں کے لئے ایک اہم قوت کے طور پر تسلیم کرایا ہے، یہ میزائیل زمینی حملوں کیلئے تیربہ ہدف ہے اور بحری جہازوں کو تباہ کرنے کی صلاحیت کے ساتھ ساتھ کئی طرح کے کردار ادا کرسکتا ہے اور کثیر النوع پلیٹ فارم سہولتوں کا حامل ہے۔
एक टिप्पणी भेजें