گاڑیوں کو بغیر ہچکچاہٹ کے چیک کرنے کے خصوصی ہدایات

نئی دہلی، تمل ناڈو کے 11- ڈاکٹر آر کے نگر اسمبلی علاقے کے ہونے والے انتخابات کے لئے ریاستی حکومت کی تیاریوں کا جائزہ لینے کے لئے الیکشن کمیشن نے 30 مارچ کو اعلی افسران کے ایک وفد کو تعینات کیا تھا۔ اس وفد نے الیکشن کمیشن کواپنی رپورٹ دے دی ہے۔ اس رپورٹ کے موصول ہونے کے بعد الیکشن کمیشن نے (1) تمام افسران جو اسسٹنٹ ریٹرننگ افسر کے عہدے پر ہیں اور اس سے نیچے کے عہدے پر ہیں، (2) تمام اضافی پولیس کمشنروں جو علاقے میں کام کر رہے ہیں (3) میونسپل کارپوریشن اسسٹنٹ اور ایگزیکٹیو انجینئر کے رینک کے تمام افسران کا تبادلہ کرنے کا حکم دیا ہے۔ 

الیکشن کمیشن نے اس کے ساتھ ہی اسمبلی حلقے میں پانچ دیگر مبصرین کو بھی تعین کیا ہے۔ کمیشن نے مبصرین کو مدد دینے کے لئے مائیکرو مبصرین کو بھی تعین کرنے کا فیصلہ کیا ہے جو علاقے کی چھوٹی چھوٹی گلیوں میں موٹر سائیکل پر جائیں گے اور سبھی گلیوں میں لوگوں کی نقل و حرکت اور سرگرمیوں پر نظر رکھنے کے لئے کمیشن نے کیمرے لگانے، علاقے میں داخل ہونے والی تمام سڑکوں کی میپنگ ، چیک پوسٹ بنانے اور خاص اڑن دستے کی تعیناتی کی ہدایت دی ہے۔ اڑن دستے جی پی ایس کے نظام سے لیس ہوں گے اور اس کے رکن مرکزی حکومت کے محکمہ کے ملازم ہوں گے۔ 

ووٹنگ کے دن تمام پولنگ مراکز پر مرکزی فورس تعینات کی جائے گی اور پولنگ بوتھ کے اندر اور باہر کی سارے عمل کو ویب کاسٹ کیا جائے گا جسے عام لوگ دیکھ سکیں گے۔ آئی ایس اور آئی پی ایس پروبیشنرز کی بھی خدمات لی جائیں گی۔ دستے کو مضبوط بنانے کے لئے پڑوسی ریاست کیرالہ اور آندھرا پردیش کے تامل زبان جاننے والے تحصیلدار اور ڈپٹی کلکٹر کی بھی ضرورت ہو گی۔ 

کمیشن نے کسی محکمے، سیاسی رہنماؤں اور وزراء کی گاڑیوں کو اسمبلی حلقے میں نہ چلنے دینے اور گاڑیوں کو بغیر ہچکچاہٹ کے چیک کرنے کے خصوصی ہدایات جاری کئے ہیں۔ ووٹنگ کے لئے کئے گئے انتظامات ، شکایات پر کی گئی کارروائی وغیرہ کی معلومات میڈیا کو دینے کے لئے ضلع الیکشن افسر اور پولیس کمشنر کو گشت کرنے کو کہا گیا ہے۔ اسی طرح مختلف سیاسی جماعتوں کے رہنماؤں اور امیدواروں سے کمیشن کے سپروائزر روزانہ بات چیت کریں گے۔