الہ آباد ہائی کورٹ ہماری عدلیہ کی زیارت گاہ کے مانند ہے

نئی دہلی،  وزیر اعظم نریندر مودی نے الہٰ آباد ہائی کی 150 ویں سالگرہ تقریب کی اختتامی اجلاس سے خطاب کیا۔ 

اس موقع پر خطاب کرتے ہوئے وزیر اعظم نے کہا کہ الہ آباد ہائی کورٹ ہماری عدلیہ کی زیارت گاہ کے مانند ہے ۔ انہوں نے کہا کہ قانونی پیشہ سے منسلک افراد نے بھی ہماری جنگ آزادی میں بہت اہم رول ادا کیا اورلوگوں کو نوآبادیاتی نظام سے نجات دلایا۔ 

انہوں نے لوگوں سے اپیل کی کہ وہ اس ہندوستان کے بارے میں سوچیں جسے ہم بنانا چاہتے ہیں جب ہم 2022 میں آزادی کے 75 ویں سالگرہ منائیں گے۔ انہوں نے کہا کہ ہر شہری کو اس کے بارے میں ایک روڈ میپ تیار کرنا چاہیے۔ 

وزیر اعظم نے کہا کہ مرکزی حکومت نے مئی 2014 سے اب تک تقریباً 1200 فرسودہ قوانین ختم کئے ہیں ۔ انہوں نے کہا کہ اس صدی میں ٹکنالوجی ایک کلیدی رول ادا کر رہی ہے اور عدلیہ میں بھی اس کے استعمال کی بہت گنجائش ہے ۔ انہوں اسٹارٹ اَپ کے شعبہ میں مصروف افراد سے زور دے کر کہا کہ وہ اس پہلو پر جدت دکھائیں کہ ٹکنالوجی عدلیہ کی مدد کیسے کر سکتی ہے ۔