نئی دہلی، حکومت امیگریشن ، ویزا اور فورنرس رجسٹریشن ٹریکنگ (آئی وی ایف آر ٹی) پروجیکٹ کے تحت ہندستان
آنے والے سبھی غیر ملکیوں کی آمد / روانگی اور ویزا تفصیلات سے متعلق ڈیٹا بیس رکھتی ہے ۔
ہندستانی ویزا کے لئے درخواست دینے والوں میں سے ہر ایک کا ایک یونیک کیس فائل (یو سی ایف) تیار کیا جاتا ہے جس میں ساری تفصیلات اکٹھا کر دی جاتی ہیں۔ اب تک تقریباً 2.70 کروڑ یو سی ایف کی تخلیق کی گئی ہے۔
یو سی ایف ڈیٹا ان تمام تفصیلات کے حصول کے لئے مفید ہے جن کی مخصوص حالات میں ضرورت پڑتی ہے۔ اس سے کم وقت میں امیگریشن کاؤنٹروں پر غیر ملکیوں کی بہتر پروفائلنگ میں مدد ملتی ہے۔
آئی وی ایف آر ٹی پروجیکٹ کو 2010میں منظوری دی گئی تھی اور اسے 2011 میں نافذ کیا گیا تھا اب تک اس میں 163 ہندستانی مشنوں ، 674 ایف آر او / اضلاع ، 87 امیگریشن چیک پوسٹوں (آئی سی پی) اور 21 اسٹیٹ ہوم ڈپارٹمنٹس کا احاطہ کیا گیا ہے۔ فی الحال اس پروجیکٹ کو 31 مارچ 2017 سے 6 ماہ آگے تک کے لئے توسیع دے دی گئی ہے۔
نارکوٹکس کنٹرول بیورو سے موصولہ اطلاع کے مطابق 2016 کے دوران 200 سے زیادہ غیر ملکیوں کو گرفتار کیا گیا اور نارکوٹک ڈرگز اینڈ سائیکو ٹروپک سبسٹانسس ایکٹ 1985 کے تحت ان کے خلاف قانونی چارہ جوئی کی گئی۔
یہ اطلاع امور داخلہ کے وزیر مملکت کرن رجیجو نے راجیہ سبھا میں جناب رنجیب بسوال کے ذریعہ دریافت کئے گئے ایک سوال کے تحریری جواب میں دی۔
एक टिप्पणी भेजें