عملہ و تربیت کے محکمے کی مرکزی حکومت کے ملازمین کے ڈیوٹی اوقات میں توسیع سے متعلق خبروں کی تردید

نئی دہلی،  میڈیا میں شائع ان خبروں کی طرف توجہ دلائی گئی ہے جن میں کہا گیا ہے کہ حکومت ہند کے عملہ، عوامی شکایات اور پنشن کی وزارت کے عملہ و تربیت کے محکمے کے ذریعہ مرکزی حکومت کے ملازمین کے کام کے اوقات میں توسیع کردی گئی ہے۔

 خبروں میں کہا گیا ہے کہ مرکزی حکومت کے ملازمین کے کام کے اوقات میں تبدیلی کرکے اسے نو بجے صبح سے شام سات بجے تک کردیا جائے گا۔ یہ بھی کہا گیا ہے کہ مرکزی حکومت کے ملازمین کی سنیچر کی چھٹی بھی ختم کردی جائے گی۔

اس سلسلے میں عملہ و تربیت کا محکمہ یہ وضاحت کرتا ہے کہ مرکزی حکومت کے زیر غور ایسی کوئی تجویز نہیں ہے۔

 مرکزی حکومت کے ملازمین کے کام کے اوقات میں توسیع اور سنیچر کے دن کی چھٹی ختم کردیئے جانے سے متعلق میڈیا کی خبریں جھوٹی اور بے بنیاد ہیں۔ اس سلسلے میں کوئی زبانی یا تحریری حکم جاری نہیں کیا گیا ہے۔