نئی دہلی۔ سماجی انصاف اور تفویض اختیارات کے وزیر تھاور چند گہلوت نے روہنی ،واقع نئی دلی میں منعقدہ ایک کیمپ میں حکومت ہند کی اے ڈی آئی پی اسکیم کے ، تحت جسمانی طور سے مختلف طور پر اہل افراد میں، ا ن کے روز مرہ کے کاموں میں مدد دینے والے آلات اور دیگر سازو سامان مفت تقسیم کئے ہیں۔
اس کیمپ کا اہتمام سماجی انصاف اورتفویض اختیارات کی وزارت کے تحت تفویض اختیارات کے محکمے، مصنوعی اعضا بنانے والے ادارے آرٹیفشیل لمبس مینو فیکچرنگ کارپوریشن آف انڈیا ( اے ایل آئی ایم سی او) نے شمال مغربی دلی کی ضلعی انتظامیہ کےقریبی تعاون و اشتراک سے کیا تھا۔
اس موقع پر اظہار خیال کرتے ہوئے جناب گہلوت نے کہا کہ حکومت ہند جسمانی طور سے مختلف صلاحیت کے حامل افراد یعنی ‘دیو یانگ جنوں’ کی فلاح و بہبود کے تئیں خصوصی دلچسپی رکھتی ہے اور اس طرح کے افراد کے لئے مفت آلات اور سازو سامان کی حکومت ہند کی یو ڈی آئی پی اسکیم کے تحت ملک گیر پیمانے پر فراہمی ، اس سمت میں اٹھایا گیا یہ ایک صحیح قدم ہے۔ انھوں نے کہا کہ اس سمت میں بغیر کسی تاخیر کے تمام ضروری اقدمات کئے جائیں گے کیونکہ حکومت شفافیت میں یقین رکھتی ہے۔
انھوں نے کہا کہ ایسے مزید اے ڈی آئی پی کیمپوں کا ا ہتمام کیا جائے گا اور یہ کیمپ دلی میں جسمانی طور پر مختلف اہلیت کے حامل افراد میں مفت معاون سازو سامان اور آلات وغیرہ کی تقسیم کے لئے منعقد ہوں گے۔ انھوں نے واضح کیا دسمبر 2016 میں جسمانی طور سے مختلف طور پر اہل افراد کے حقوق سے متعلق ایکٹ کو منظور کیا گیاتھا اور اس کا نفاذ چار مہینے کی مدت کے اندر عمل میں آنا ہے۔ انھوں نے کہا کہ بہت جلد دیویانگ جنوں کے لئے آفاقی آئی ڈی کارڈ جاری کئے جائیں گے۔
سماجی انصاف اور تفویض اختیار ات کے وزیر مملکت جناب کرشن پال گورجر، شمال مغربی دلی حلقہ انتخاب کے رکن پارلیمنٹ ڈاکٹر اُدت راج، مختلف طور پر اہل افراد کے لئےتفویض اختیارات کے محکمے کے جوائنٹ سکریٹری جناب اونیش کمار اوستھی اور سماجی انصاف اور تفویض اختیارات کی وزارت کے سینئر افسران، ضلعی انتظامیہ شمال مغربی دلی کے سینئر افسران اور اے ایل آئی ایم سی او کے عہدیدار ان بھی اس موقع پر موجود تھے۔
894 افر اد کو مجموعی طور پر 1402 آلات و امدادی سازو سامان فراہم کرائے گئے، جو ، ان جسمانی طور سے مختلف طور پر اہل افراد کو اُن کے روز مرہ کے کاموں میں مدد دیں گے۔ ان آلات اور سازو سامان کی مجموعی مالیت اے ڈی آئی پی اسکیم کے تحت 89 لاکھ روپے تھی۔ جن افراد کو یہ سازو سامان فراہم کرائے گئے ان کی شناخت شمال مغربی دلی کی ضلعی انتظامیہ نے گذشتہ برس مئی اور جون کے مہینوں کے دوران منعقدہ جائزہ کیمپوں میں پہلے سے ہی کرلی تھی۔
اے ایل آئی ایم سی او نے اس کیمپ میں اعلیٰ کوالٹی کے حامل دور حاضر میں درکار آلات و سازو سامان تقسیم کئے ہیں، جن میں 85 مو ٹورائزڈ ٹرائی سائیکل بھی شامل ہیں۔ ہر ایک موٹورائزڈ ٹرائی سائیکل کی لاگت 37 ہزار روپے ہے جس میں سے 12 ہزار روپے مقامی رُکن پارلیمنٹ ڈاکٹر اُدت راج کے ایم پی اے ایل ڈی فنڈ سے فراہم کرائے گئے ہیں اور بقیہ لاگت یو ڈی آئی پی اسکیم کے تحت برداشت کی گئی ہے۔
اس کیمپ میں مختلف النوع آلات اور سازو سامان تقسیم کئے گئے۔ ان میں 459 تین پہئے والی سا ئیکلیں، 97 وہیل چیئرس، 372 بے ساکھیاں 49 واکنگ اسٹک ، 2 ر ولیٹر 74 بی ہائنڈ دی ائیر آلۂ سماعت، 106 اسمارٹ کین، 24 فولڈنگ کین، ایک بریل کٹ، ایک جذامی کٹ، 46 ایم ایس آئی ای ڈی کٹ جس میں حساس اور تعلیمی کٹ بھی شامل ہیں ۔ اس طرح کے دیگر سازو سامان بھی استفادہ کنندگان کو کیمپ میں تقسیم کئے گئے۔
एक टिप्पणी भेजें