نئی دہلی، سی ایس سی، ایس پی وی اور بھارت کی چھوٹی صنعتوں کی ترقیات سے متعلق بینک (ایس آئی ڈی بی آئی) نے الیکٹرانکس اور آئی ٹی نیز قانون و انصاف کے وزیر جناب روی شنکر پرساد کی موجودگی میں، ملک بھر میں سی ایس سی اداروں کو مالی امداد فراہم کرنے کی غرض سے ایک مفاہمتی عرضداشت پر دستخط کئے ہیں۔
میٹنگ کے دوران روی شنکر پرساد نے کہا کہ انھیں اس بات کی بیحد خوشی ہے کہ سڈبی ملک بھر میں سی ایس سی اداروں کی امداد کے لئے آگے آئی ہے، جس کا مقصد دیہی صنعت کاری کو فروغ دینا ہے اور اس مالی مدد کے نتیجے میں سی ایس سی کے لئے مواقع کے نئے امکانات سامنے آئیں گے۔
سی ایس سی کی کوششوں کی ستائش کرتے ہوئے، جن کا تعلق خواتین کی صحت اور صفائی ستھرائی کے فروغ سے ہے اور جس میں استری سوابھیمان پہل قدمی جیسی باتیں بھی شامل ہیں، وزیر موصوف نے کہا کہ سی ایس سی لڑکیوں اور خواتین کو دیہی بھارت میں کم لاگت والے سنیٹری نیپکن فراہم کرکے غیرمعمولی کام انجام دے رہی ہے۔ 110 سنیٹری نیپکن مینوفیکچرنگ اکائیاں ہیں اور اس سال کے اواخر تک ہر ایک بلاک میں ایک اکائی قائم ہوجائے گی۔
دِگی گاؤں دھنودی کلاں، واقع گوتم بدھ نگر، اترپردیش کا حوالہ دیتے ہوئے جناب اجے پرکاش ساہنی، سکریٹری ایم ای آئی ٹی وائی نے کہا کہ چونکہ سی ایس سی نے ملک بھر میں اپنی سرگرمیاں شروع کردی ہیں، لہٰذا سڈبی کی جانب سے حاصل ہونے والی مالی اعانت ہر حال میں ان کے لئے نئے مواقع فراہم کرے گی۔
سی ایس سی، ایس پی وی کے سی ای او، ڈاکٹر دنیش کمار تیاگی نے خبردار کیا ہے کہ سڈبی کی جانب سے ملنے والی مالی امداد عرصہ دراز میں سی ایس سی کے موجودہ مضمرات کو بہتر بنائے گی اور دیہی آبادی کے لئے نئے مواقع فراہم کرے گی۔
مذکورہ مفاہمتی عرضداشت کے توسط سے سڈبی کا مقصد یہ ہے کہ مشترکہ خدمات مراکز سے متعلق دیہی سطح کے صنعت کار مالی امداد حاصل کرسکیں اور یہ مالی امداد انھیں ان کے کم از کم ایک سال کے قیام کی مدت کی بنیاد پر سڈبی کی براہ راست سرمایہ فراہمی ونڈو کے توسط سے فراہم کرائی جائے گی۔
مذکورہ براہ راست مالی امداد فراہمی ونڈو کے توسط سے سی ایس سی، ایس پی وی، وی ایل ای کی فہرست کو منظوری دے گا۔ اس کے تحت سڈبی کی شاخوں کے دفاتر کے 25 کلومیٹر کے دائرے کے اندر احاطہ کیا جائے گا اور مالی امداد کے خواستگاران کی مدد کی جائے گی۔ اس قرض کے حصول کے لئے وی ایل ای یعنی دیہی سطح کے صنعت کاروں کو اپنے سی ایس سی پروجیکٹ داخل کرنے ہوں گے۔ پروجیکٹ کی مجموعی زیادہ سے زیادہ لاگت کا تخمینہ3.5 لاکھ کے بقدر کا ہوگا۔ قرض کی حدود فی پروجیکٹ دو لاکھ روپئے سے تجاوز نہیں کریں گی۔
مذکورہ مفاہمتی عرض داشت کے توسط سے سی ایس سی اور ایس پی وی نیز ایس آئی ڈی بی آئی (سڈبی) باہم مل کر کام کریں گے اور زیادہ سے زیادہ شہریوں کو مالی شمولیت کے دائرے میں لے آئیں گے۔ اس کے علاوہ اس کا مقصد یہ بھی ہے کہ اپنی خدمات کے تحت اضافی خدمات سمیت مالی افادیت کے دائرے کو فروغ دیا جائے۔
ایم ای آئی ٹی وائی کے ایڈیشنل ڈائریکٹر جناب پنکج کمار، سڈبی کے سی جی ایم جناب سنجے گوئل، براہ راست قرض ورٹیکل سڈبی کے جنرل مینیجر جناب اشوک کمار پانڈے اور دیگر معززین اس موقع پر موجود تھے۔
एक टिप्पणी भेजें