نئی دہلی۔ بھارت نے عالمی بینک کے ساتھ ’’تیجسونی ۔ نوخیز لڑکیوں اور نوجوان خواتین کو سماجی ۔ اقتصادی لحاظ سے بااختیار بنانے کا پروجیکٹ ‘‘ کے سلسلے میں ایک معاہدہ کیا ہے جس کے تحت آئی ڈی اے کے ذریعے قرض کے طور پر عالمی بینک کی جانب سے 63 ملین امریکی ڈالر کے بقدر سرمایہ فراہم کرایا جائے گا۔
سرمایہ کاری کے اس معاہدے پر وزارت خزانہ کے تحت اقتصادی اُمور کے جوائنٹ سکریٹری جناب راج کمار نے حکومت ہند کی جانب سے اور عالمی بینک کے کنٹری ڈائرکٹر (بھارت) جناب جنید کمال احمد نے عالمی بینک کی جانب سے اس معاہدے پر اپنا دستخط کیے ہیں۔ اس سلسلے میں ایک پروجیکٹ معاہدے پر بھی دستخط ہوئے ہیں جس پر حکومت جھارکھنڈ کے خواتین ، اطفال ترقیات کے محکمے کے پرنسپل سکریٹری مکھمیت سنگھ بھاٹیا اور عالمی بینک کے کنٹری ڈائرکٹر جناب جنید کمال احمد نے دستخط کیے ہیں۔
پروجیکٹ کا مقصد یہ ہے کہ نوخیز لڑکیوں کو زندگی کی بنیادی ہنرمندیوں سے روشناس کرایا جائے اور اس کے بعد انہیں مزید مارکیٹ سے وابستہ ہنرمندی کی تربیت یا ثانوی تعلیم کی تکمیل کے لئے امداد، اُن کے رجحانات اور شوق کومدنظر رکھتے ہوئے فراہم کرائی جائے۔
اس پروجیکٹ کے تحت جھارکھنڈ کے 17 اضلاع میں عمل درآمد ہوگا۔ اس پروجیکٹ کے تین عناصر ہیں (i)سماجی تعلیمی اور اقتصادی مواقع میں توسیع اور اضافہ (ii) بڑے پیمانے پر خدمات کی فراہمی (iii)ریاست کی جانب سے صلاحیت سازی اور نفاذ امداد ۔
توقع کی جاتی ہے کہ اس پروگرام کے تحت چلائے جانے والے مذکورہ پروجیکٹ سے تقریباً 680,000 نوخیز لڑکیاں اور نوجوان خواتین مستفید ہوں گی۔ یہ پروجیکٹ 30 جون 2021 کو پایہ تکمیل کو پہنچے گا۔
एक टिप्पणी भेजें