نئی دہلی، ایک دیگر اہم پیش رفت کے طورپرشہری ترقی کی وزارت نے اسمارٹ شہروں ، دارالحکومت کےحامل شہروں اور 10لاکھ سے زائد آبادی والے شہروں سمیت 116بڑے شہروں میں معیار زندگی کا اندازہ کرنے کیلئے شہروں میں زندگی گزارنے کے حالات کی عمدگی کےتعین کے اشاریئےکاآغاز کیا۔
مشترکہ کم از کم حوالہ جاتی فریم ورک کے اس اشاریئے سے شہروں کو یہ پتہ چل سکےگا کہ معیارزندگی کےلحاظ سے وہ کہاں کھڑے ہیں اور یہ کہ اس میں بہتری لانے کیلئے کن اقدامات کی ضرورت ہے۔ اس اشاریئے کا آغازیہاں شہری تبدیلی سے متعلق ایک قومی ورکشاپ میں شہری ترقی کےوزیرایم وینکیانائیڈو نے کیا۔
یہ کہتےہوئےکہ گزشتہ تین برسوں کےدوران شروع کئے گئےنئےشہری مشن کے تحت شہرآج کل بنیادی ڈھانچے کی ترقی کے ایک سوچے سمجھے طریقےسےآگے بڑھ رہے ہیں، نائیڈو نے کہا کہ اب وقت آگیا ہے کہ شہروں میں معیار زندگی کا اندازہ کیاجائےاوراسی کےمطابق ان کی درجہ بند ی کی جائے۔
ملک میں شروع کئےجانےوالے اپنی نوعیت کے پہلے اشاریئےمیں شہروں کا اندازہ 79معیارات کےایک جامع مجموعے پر کیاجائےگا تاکہ سڑکوں کی دستیابی، تعلیم او رحفظان صحت، روزگار کے مواقع، ایمرجنسی رسپانس، شکایات کے ازالے، آلودگی، ثقافتی اور تفریحی مواقع وغیرہ کی دستیابی سمیت بنیادی ڈھانچے کی حد اور اس کے معیار کےبارےمیں جانکاری حاصل کی جا سکے۔
اگلے مہینے یہ اندازہ کرنے کیلئے ایجنسی کے انتخاب کےبعد آئندہ تقریباً 6 مہینوں میں معلومات کے جمع کرنےکاکام مکمل کر لیاجائےگا۔شہری ترقی کی وزارت نے آج ان 16 ریاستوں میں مراعات کےطورپر 500کروڑروپے تقسیم کئے، جنہوں نے17-2016کےدوران شہری اصلاحات کے نفاذ میں اچھی کارکردگی کا مظاہرہ کیا۔
ای-گورننس، کھاتوں کی آڈٹ، ٹیکس نظر ثانی پالیسیاں،انرجی اور واٹرایڈٹ جیسے اصلاحات کے تناظر میں ہونے والی پیش رفت کو مد نظر رکھا گیا ہے۔96.06نمبرحاصل کرکےآندھراپردیش فہرست میں پہلے نمبر پرہے۔دیگروہ ریاستیں ، جنہیں میرٹ کی بنیاد پر امداد ملی ہے، وہ اڈیشہ(95.38)فیصد، جھارکھنڈ (91.98)فیصد، چھتیس گڑھ (91.37) فیصد ، مدھیہ پردیش (90.20) فیصد ، تلنگانہ (86.92) فیصد ، راجستھان (84.62) فیصد ، پنجاب (77.02) فیصد ، کیرلہ (75.73) فیصد ، گووا(75.38) فیصد ، میزورم (75.00) فیصد، گجرات (73.80)، چنڈی گڑھ (72.73) (75.38)، اترپردیش(70.67) اورمہاراشٹرا(70.52) فیصد ہیں۔
एक टिप्पणी भेजें